PKL Season 10 Final: சீசன் முழுக்க கெத்து ஆட்டம்!முதல் முறையாக சாம்பியன் பட்டத்தை வென்ற புனேரி பல்தான்
ப்ரோ கபடி லீக் 2024 சீசன் முழுக்கவே கெத்தாக விளையாடி வந்த புனேரி பல்தான், வெறும் 2 தோல்விகளை மட்டுமே சந்தித்தது. கடந்த சீசனில் பைனலுக்கு தகுதி பெற்ற புனேரி பல்தான், இந்த முறை மீண்டும் தகுதி பெற்று சாம்பியன் ஆகியுள்ளது.
ப்ரோ கபடி லீக் 2024 சீசனின் இறுதிப்போட்டி புனேரி பல்தான் - ஹரியானா ஸ்டீலர்ஸ் அணிகளுக்கு இடையே ஹைதராபாத்தில் நடைபெற்றது. இரு அணிகளில் யார் வென்றாலும் முதல் முறையாக சாம்பியன் ஆவர்கள் என்று இருந்த நிலையில் போட்டியானது விறுவிறுப்பாக நடந்தது.
இந்த போட்டியில் முதல் இரண்டு பாதியிலும், ஹரியானாவுக்கு எதிராக ஆதிக்கம் செலுத்தி முன்னிலை பெற்றது புனேரி பல்தான். முழு ஆட்டநேர முடிவில் 28-25 என்ற புள்ளிகளை பெற்று ஹரியானா அணியை வீழ்த்தி சாம்பியன் ஆனது புனேரி பல்தான்.
கடந்த சீசனில் முதல் முறையாக பைனலுக்கு தகுதி பெற்று ஜெய்ப்பூர் பிங்க் பேந்தர்ஸ் அணிக்கு எதிராக தோல்வியை தழுவியது புனேரி பல்தான். இதைத்தொடர்ந்து இந்த முறையும் பைனலில் நுழைந்த புனேரி கோப்பையை முதல் முறையாக வென்று சாதித்துள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்