WPL:முடிவுக்கு வந்த மும்பையின் வெற்றி பயணம்! முதல் அடி கொடுத்த யுபி வாரியர்ஸ்

இதனால் மகளிர் ஐபிஎல் தொடரில் முதல் முறையாக மும்பை அணி அனைத்து விக்கெட்டுகளையும் இழந்து 127 ரன்கள் மட்டுமே எடுத்தது. அந்த அணியில் அதிகபட்சமாக மேத்யூஸ் 35 ரன்கள் எடுத்தார்.

இதைத்தொடர்ந்து 128 ரன்கள் சேஸ் செய்ய களமிறங்கிய யுபி வாரியர்ஸ் அணிக்கு ஆரம்பத்திலேயே அதிர்ச்சி கொடுத்தனர் மும்பை பெளலர்கள். டாப் ஆர்டர் பேட்டர்களான தேவிகா வைத்யா 1, அலிசா ஹீலோ 8, கிரண் நவ்கிரே 12 ரன்களில் நடையகட்ட 30 ரன்களுக்குள் மூன்று முக்கிய விக்கெட்டுகளை இழந்து தடுமாறியது.

இதையடுத்து களமிறங்கிய தஹிலா மெக்ராத், கிரேஸ் ஹாரிஸ் ஆகியோர் விக்கெட் சரிவை தடுத்து பார்ட்னர்ஷிப் அமைத்தனர். இதனால் அணியின் ஸ்கோர் உயர்ந்தது. தஹிலா மெக்ராத் 38, கிரேஸ் ஹாரிஸ் 39 ரன்களில் ஆட்டமிழந்தனர்.

ஆனால் இவர்கள் அணியை கிட்டத்தட்ட வெற்றி அருகே அழைத்து சென்ற பின்னர் அவுட்டானார்கள். இவர்களை தொடர்ந்து பேட் செய்த தீப்த ஷர்மா, சோஃபி எக்லெஸ்டோன் ஆகியோர் கவனமாக பேட் செய்தனர்.

ஆட்டத்தின் கடைசி ஓவரில் 5 ரன்கள் தேவை என்று இருந்தபோது முதல் இரண்டு பந்துகளை டாட் ஆக்கினார் ஸ்டிரைக்கில் இருந்த சோஃபி எக்லெஸ்டோன். பின்னர் மூன்றாவது பந்தில் சிக்ஸர் அடித்தார்.

3 பந்துகள் மீதமிருக்கும் நிலையில் யுபி வாரியர்ஸ் அணி த்ரில் வெற்றி பெற்றது.

இதன்மூலம் மகளிர் ஐபிஎல் தொடரில் தோல்வியை சந்திக்காமல் 5 தொடர் வெற்றிகளை பெற்ற மும்பை அணியை வீழ்த்திய அணி என்ற பெருமையை பெற்றது யுபி வாரியர்ஸ்.

இந்த போட்டிக்கு பின் புள்ளிப்பட்டியலில் எந்த மாற்றமும் ஏற்படவில்லை. அதேசமயம் யுபி வாரியர்ஸ் அணிக்கு இன்னும் இரண்டு போட்டிகள் மீதமிருக்கும் நிலையில், அதில் வெற்றி பெற்றால் ப்ளே ஆஃப் வாய்ப்பு உறுதியாக்கி கொள்ளலாம்.

யுபி வாரியர்ஸ் அணிக்கு போட்டியாக குஜராத் ஜெயிண்ட்ஸ் புள்ளிப்பட்டியலில் முன்னேற வாய்ப்பு உள்ளது.