Virat kohli on Dhoni:தோனியால் நான் பாதுகாப்பற்ற சூழ்நிலையை உணர்ந்ததில்லை - கோலி

டெஸ்ட் கேப்டன் பதவியிலிருந்து நாந் விலகிய பிறகு தோனி மட்டும் குறுஞ்செய்தி அனுப்பி என்னை தொடர்பு கொண்டார். எனது தொலைப்பேசி எண் பலரிடமும் உள்ளது. எனக்கான ஆலோசனைகளை பலரும் தொலைக்காட்சியில் வழங்குகதிறார்கள். ஆனால் யாரும் அந்த தருணத்தில் என்னை தொடர்பு கொள்ளவில்லை.

நம்மிடம் யாருக்கு பந்தமும், மரியாதையும் உள்ளதோ அவர்களிடமிருந்து நமக்கான ஆதரவு இதுபோன்ற தருணங்களில் வெளிபடும். அந்த வகையில் எனக்கும், தோனிக்கும் இடையேயான பாதுகாப்பு உணர்வு மேலோங்கியுள்ளது. எங்கள் இருவருக்கும் பரஸ்பரம் ஒருவருக்கொருவரிடம் எதுவும் தேவைப்படுவதில்லை.

என்னால் அவர் பாதுகாப்பு இல்லாத சூழ்நிலையை உணரவில்லை, அதேபோல்தான் எனக்கும்.

நான் யாரிடமாவது ஒரு விஷயத்தை சொல்ல வேண்டுமானால் நேரடியாக சொல்லவிடுவேன். ஆனால் எனக்கு உதவி செய்வதாக உலகத்தின் முன் நின்று எனக்கு அறிவுரைகள் கூறினால் அதற்கு என்னிடம் மதிப்பு இருக்காது. நான் மேம்படுத்திக்கொள்ள வேண்டும் என விரும்பினால், நேடியாக என்ன தொடர்பு கொள்ளலாம். நேர்மையாகவே நான் வாழ்ந்து வருகிறேன். நான் விளையாடும் வரை எனது விளையாட்டை நேர்மையாக விளையாடுவேன்

இவ்வாறு அவர் உருக்கமாக பேசினார்.

டெஸ்ட், ஒரு நாள், டி20 என மூன்று வகை போட்டிகளிலும் கேப்டனாக செயல்பட்டு வந்த விராட் கோலி, தென்ஆப்பரிக்காவுக்கு எதிராக அதன் சொந்த மண்ணில் நடைபெற்ற டெஸ்ட் போட்டியில் 2-1 என்ற கணக்கில் தோல்வியடைந்த பிறகு டெஸ்ட் கேப்டன்ஷிப் பதவியிலிருந்து விலகுவதாக சமூக ஊடகம் மூலம் அறிவித்தார்.

அதற்கு முன்னதாக ஒரு நாள் மற்றும் டி20 தொடர்களின் கேப்டன் பதவியிலிருந்து நீக்கப்பட்டார்.