KKR vs LSG: பூரான் அதிரடி பினிஷ்! சிஎஸ்கேவை முந்த லக்னோவுக்கு ஒரு சான்ஸ்
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  விளையாட்டு  /  Kkr Vs Lsg: பூரான் அதிரடி பினிஷ்! சிஎஸ்கேவை முந்த லக்னோவுக்கு ஒரு சான்ஸ்

KKR vs LSG: பூரான் அதிரடி பினிஷ்! சிஎஸ்கேவை முந்த லக்னோவுக்கு ஒரு சான்ஸ்

Muthu Vinayagam Kosalairaman HT Tamil Published May 20, 2023 10:15 PM IST
Muthu Vinayagam Kosalairaman HT Tamil
Published May 20, 2023 10:15 PM IST

சிஎஸ்கே அணியைவிட புள்ளிப்பட்டியலில் முன்னேற வேண்டுமானால் கொல்கத்தா அணியை 97 ரன்கள் வித்தியாசத்தில் லக்னோ வீழ்த்த வேண்டும். அவ்வாறு செய்யாவிட்டாலும் இந்த போட்டியில் வெற்றி பெற்றால் ப்ளேஆஃப்புக்கு தகுதி பெற்று விடலாம்.

அதிரடியாக பேட் செய்து பந்து பவுண்டரிக்கு பறக்க விட்ட பூரான்
அதிரடியாக பேட் செய்து பந்து பவுண்டரிக்கு பறக்க விட்ட பூரான் (PTI)
Share on Whatsappஎங்களை பின் தொடரலாம்
  • Share on Twitter
  • Share on Facebook

ஐபிஎல் 2023 தொடரின் 68வது போட்டி கொல்கத்தா நைட  ரைட்ரஸ் - லக்னோ சூப்பர் ஜெயிண்ட்ஸ் அணிகளுக்கு இடையே நடைபெற்று வருகிறது. இதில் முதலில் பேட் செய்த லக்னோ அணி 20 ஓவரில் 8 விக்கெட் இழப்புக்கு 176 ரன்கள் எடுத்துள்ளது.

லக்னோ அணியின் ஓபனிங் பேட்ஸ்மேனான கரண் ஷர்மா 8 ரன்னில் வெளியேறினார். இவரை தொடர்ந்து பேட் செய்த பீரராக் மன்கட் 26, மற்றொரு தொடக்க பேட்ஸ்மேன் குவைன்டன் டி காக் 28 ரன்கள் எடுத்தனர்.

லக்னோ அணியின் கடந்த போட்டியில் பேட்டிங்கில் ஹீரோவாக ஜொலித்த மார்கஸ் ஸ்டோய்னிஸ் 0, க்ருணால் பாண்ட்யா 9 ரன்கள் மட்டுமே எடுத்து ஏமாற்றினர். மிடில் ஆர்டரில் பேட் செய்த ஆயுஷ் பதோனி 25, விக்கெட் சரிவை தடுத்து 25 ரன்கள் எடுத்தார்.

இதையடுத்து லக்னோ அணியின் பினிஷரும், அதிரடி பேட்ஸ்மேனுமான நிிக்கோலஸ் பூரான் தனது பாணியில் அதிரடியாக பேட் செய்து அரைசதம் விளாசினார். 5 சிக்ஸர்கள், 4 பவுண்டரிகள் என தனது அதிரடி மூலம் அரைசதம் விளாசிய பூரான் 58 ரன்களில் அவுட்டானார்.

கொல்கத்தா அணி 8 பெளலர்களை இந்த ஆட்டத்தில் பயன்படுத்தியது. அந்த அணியின் பலமாக ஸ்பின்னர்கள் இருந்த நிலையில் அவர்களின் ஸ்டிரைக் பெளலராக இருந்த வருண் சக்கரவர்த்தி ஓவரை லக்னோ பேட்ஸ்மேன்கள் அடித்து துவைத்தனர். 4 ஓவரில் 38 ரன்கள் விட்டுக்கொடுத்த வருண் 1 விக்கெட்டை எடுத்தார்.

ஷர்துல் தாக்கூர், சுனில் நரேன், வைபர் அரோரா ஆகியோர் தலா 2 விக்கெட்டை வீழ்த்தினர்.

இந்தப் போட்டியில் கொல்கத்தா அணியை 97 ரன்கள் வித்தியாசத்தில் வீழ்த்தினால்,  புள்ளிப்பட்டியலில் இரண்டாம் இடத்தில் இருக்கும் சிஎஸ்கே அணியை விட நெட் ரன் ரேட் அதிகம் பெற்ற முன்னேறலாம்.

இதை செய்ய முடியாதபட்சத்தில் கொல்கத்தாவை வீழ்த்தி 2 புள்ளிகளை பெற்றலே ப்ளேஆஃப் வாய்ப்பு உறுதி செய்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9