ஊக்கமருந்து சோதனையில் தோல்வி: இந்திய ஓட்டப்பந்தய வீராங்கனை அர்ச்சனா ஜாதவுக்கு 4 ஆண்டு தடை
Published Mar 18, 2025 04:45 PM IST
அர்ச்சனா ஜாதவ் 10,000 மீட்டர் ஓட்டத்தில் 35:44.26 விநாடிகளிலும், அரை மாரத்தானில் 1:20:21 விநாடிகளிலும் பந்தய தூரத்தை கடந்துள்ளார். 3,000 மீட்டர் ஓட்டத்தில் 10 நிமிடம் 28.82 வினாடிகளில் இலக்கை எட்டி சாதனை படைத்துள்ளார்.
ஊக்கமருந்து சோதனையில் தோல்வி: இந்திய ஓட்டப்பந்தய வீராங்கனை அர்ச்சனா ஜாதவுக்கு 4 ஆண்டு தடை (@nnis_sports)
இந்திய தடகள வீராங்கனை அர்ச்சனா ஜாதவ், ஊக்கமருந்து சோதனையில் தோல்வி அடைந்ததால், அவருக்கு 4 ஆண்டுகள் தடை விதிக்கப்பட்டுள்ளது.
கடந்த ஆண்டு டிசம்பரில் புனே அரை மராத்தானில் சேகரிக்கப்பட்ட ஜாதவின் மாதிரியில் தடைசெய்யப்பட்ட ஆக்சன்ட்ரோலோன் என்ற போதைப்பொருள் இருந்ததாக உலக தடகள வீரர்களின் ஒருமைப்பாடு பிரிவு (AIU) தெரிவித்துள்ளது. இந்த செயற்கை உட்சேர்க்கைக்குரிய ஸ்டீராய்டு உடலில் புரதம் உற்பத்தி மற்றும் தசைக் கட்டை உருவாக்க ஊக்குவிக்கிறது.
இந்தத் தடை கடந்த ஜனவரி 7-ம் தேதி முதல் அமலுக்கு வந்தது. அர்ச்சனா ஜாதவ் இந்த காலத்திற்கு தற்காலிக இடைநீக்கம் செய்யப்பட்டுள்ளார். பிப்ரவரி 25 அன்று, விதிமீறல் குற்றச்சாட்டுக்கு அவர் AIU-க்கு அனுப்பிய மின்னஞ்சலில் பதிலளித்தார், "நான் மிகவும் வருந்துகிறேன் சார். உங்கள் முடிவை வரவேற்கிறேன்" என்றார்.