உலகக் கோப்பை துப்பாக்கி சுடுதல் போட்டியில் இந்தியா 4 தங்கம் உள்பட 8 பதக்கங்கள்.. ஒட்டுமொத்தமாக 2வது இடம்!

வியாழக்கிழமை நடைபெற்ற இந்த போட்டியில் 5 தங்கம், 3 வெள்ளி, 3 வெண்கலம் என மொத்தம் 11 பதக்கங்களுடன் முதலிடத்தில் இருந்த சீனாவுக்கு அடுத்தபடியாக இந்தியா 2-வது இடத்தை பிடித்தது.

சவுரப் சவுத்ரி மற்றும் சுருச்சி சிங் ஆகியோர் இரண்டு முறை ஒலிம்பிக் பதக்கம் வென்ற மனு பாக்கர் மற்றும் ரவீந்தர் சிங் ஆகியோரை 16-8 என்ற கணக்கில் வெண்கலப் பதக்கத்திற்கான பிளே-ஆஃப் போட்டியில் தோற்கடித்து மேடையில் தங்கள் இடத்தைப் பிடித்தனர்.

மேலும் படிக்க | மெஸ்ஸி மாஸ்.. காலிறுதியில் லாஸ் ஏஞ்சல்ஸ் அணியை வீழ்த்தி அரையிறுதிக்குள் நுழைந்தது இன்டர் மியாமி!

பாரிஸ் 2024 ஒலிம்பிக்கில் 10 மீட்டர் ஏர் பிஸ்டல் கலப்பு அணியில் சரப்ஜோத் சிங்குடன் இணைந்து வெண்கலப் பதக்கம் வென்றார்.

தகுதிச் சுற்றின் போது, டோக்கியோ 2020 ஒலிம்பியன் சவுரப் மற்றும் சுருச்சி மொத்தம் 581-26x மதிப்பெண்களுடன் மூன்றாவது இடத்தைப் பிடித்தனர், சுருச்சி 291 மற்றும் சவுரப் 290 புள்ளிகளைப் பெற்றனர். மனு (287), ரவீந்தர் சிங் (292) ஜோடி 4வது இடம் பிடித்தது.

தங்கப் பதக்கத்துக்கான போட்டியில் சீனாவின் மா கியாங்கே, ஜாங் யிஃபான் (582-23), யாவ் கியாங்சுன்-ஹூ காய் (582-17) ஜோடி மோதியது. இதில் 16-10 என்ற புள்ளிக்கணக்கில் கியாங்கே, யிஃபான் ஜோடி தங்கப் பதக்கம் வென்றது.

மேலும் படிக்க | ஃப்ரீஸ்டைல் நாக் அவுட் சுற்றில் அர்ஜுன் எரிகேசி மட்டும் தகுதி.. மூன்று இந்தியர்கள் வெளியேற்றம்

தங்கப் பதக்கம்

சஃப்ட் கவுர் சாம்ரா (பெண்கள் 50 மீட்டர் ரைபிள் 3 நிலைகள்), ருத்ராங்க்ஷ் பாட்டீல் (ஆண்கள் 10 மீட்டர் ஏர் ரைபிள்), சுருச்சி சிங் (பெண்கள் 10 மீட்டர் ஏர் பிஸ்டல்) மற்றும் விஜய்வீர் சித்து (ஆண்கள் 25 மீட்டர் ரேபிட் ஃபயர் பிஸ்டல்) ஆகியோர் இந்த ஆண்டின் முதல் ஐ.எஸ்.எஸ்.எஃப் உலகக் கோப்பையில் இந்தியாவுக்காக தங்கப் பதக்கங்களை வென்றனர். மனு, வெறுங்கையுடன் திரும்பினார். பெண்களுக்கான 10 மீட்டர் ஏர் பிஸ்டல் தகுதிச் சுற்றில் 13-வது இடத்தையும், 25-வது பிஸ்டல் பிரிவில் 6-வது இடத்தையும் பிடித்தார்.

2024 ஒலிம்பிக்கில் வெண்கலப் பதக்கம் வென்ற மற்றொரு வீரரான ஸ்வப்னில் குசாலே போட்டியிடவில்லை.

மேலும் படிக்க | ஃப்ரீ ஸ்டைல் க்ராண்ட் ஸ்லாம் டூர்.. கார்ல்சனை வீழ்த்திய அர்ஜுன் எரிகேசி! தடுமாறும் உலக சாம்பியன் குகேஷ்

ஐ.எஸ்.எஸ்.எஃப் உலகக் கோப்பை 2025 :

இந்தியா பதக்கம் வென்றவர்கள்சிஃப்ட் கவுர் சாம்ரா - பெண்கள் 50 மீட்டர் ரைபிளில் தங்கப் பதக்கம் 3 நிலை ருத்ரன்க்ஷ் பாட்டீல் - ஆண்கள் 10 மீட்டர் ஏர் ரைபிளில் தங்கப் பதக்கம், சுருச்சி சிங் - பெண்கள் 10 மீட்டர் ஏர் பிஸ்டலில் தங்கப் பதக்கம், விஜய்வீர் சித்து - ஆண்கள் 25 மீட்டர் ரேபிட்-ஃபயர் பிஸ்டலில் தங்கப் பதக்கம், ஈஷா சிங் - பெண்கள் 25 மீட்டர் பிஸ்டலில் வெள்ளிப் பதக்கம், ஆர்யா போர்ஸ் / ருத்ராங்க்ஷ் பாட்டீல் - கலப்பு 10 மீட்டர் ஏர் ரைபிளில் வெள்ளிப் பதக்கம், சவுரப் சவுத்ரி / சுருச்சி சிங் - 10 மீட்டர் ஏர் பிஸ்டல் கலப்பு பிரிவில் வெண்கலப் பதக்கம் டீம் செயின் சிங் - ஆண்கள் 50 மீட்டர் ரைபிள் 3 நிலைகளில் வெண்கலப் பதக்கம்.