பெங்களூரில் நடத்த திட்டமிடப்பட்டிருந்த நீரஜ் சோப்ரா கிளாசிக் ஈட்டி எறிதல் போட்டி ஒத்திவைப்பு

"தற்போதைய சூழ்நிலையில், நீரஜ் சோப்ரா கிளாசிக்கின் தொடக்க பதிப்பு மறு அறிவிப்பு வரும் வரை ஒத்திவைக்கப்பட்டுள்ளது. விளையாட்டு வீரர்கள், பங்குதாரர்கள் மற்றும் பரந்த சமூகத்தின் நல்வாழ்வுக்கு முன்னுரிமை அளித்து, கவனமாக சிந்தித்து ஆலோசனைக்குப் பிறகு இந்த முடிவு எடுக்கப்பட்டுள்ளது" என்று டீம் நீரஜ் சோப்ரா கிளாசிக் வெளியிட்ட அறிக்கையில் தெரிவிக்கப்பட்டுள்ளது.

மேலும் படிக்க | தைபே ஓபன் பேட்மிண்டன்: கிடாம்பி ஸ்ரீகாந்தை வீழ்த்தி ஆயுஷ் ஷெட்டி காலிறுதிக்கு முன்னேறினார்

"விளையாட்டின் ஒன்றிணைக்கும் சக்தியை நாங்கள் நம்புகிறோம். ஆனால், இந்த நெருக்கடியான தருணத்தில், தேசிய விஷயங்களில் மிகவும் உறுதியாக நிற்பது அவசியம். இந்த நேரத்தில் எங்கள் நன்றியுணர்வும் எண்ணங்களும் நம் தேசத்தின் முன்னணியில் இருக்கும் நமது ஆயுதப்படைகளுக்கு மட்டுமே உள்ளன" என்று அந்த அறிக்கையில் மேலும் கூறப்பட்டுள்ளது.

'சரியான நேரத்தில்..'

நீரஜ் சோப்ரா கிளாசிக்கின் திருத்தப்பட்ட அட்டவணை சரியான நேரத்தில் வழங்கப்படும் என்று ஏற்பாட்டாளர்கள் தெரிவித்தனர்.

மே 24 ஆம் தேதி பெங்களூருவில் உள்ள ஸ்ரீ கண்டீரவா ஸ்டேடியத்தில் நடைபெறவிருந்த நீரஜ் சோப்ரா கிளாசிக்கின் தொடக்க பதிப்பு, உலகின் சிறந்த ஈட்டி எறிதல் வீரர்களை ஈர்த்தது.

உலக தடகள நிகழ்வுக்கு இந்தியாவின் இரண்டு முறை ஒலிம்பிக் பதக்கம் வென்றவரும், நடப்பு உலக சாம்பியனுமான சோப்ரா தலைமை தாங்க இருந்தார், அவர் ஜே.எஸ்.டபிள்யூ ஸ்போர்ட்ஸ் மற்றும் ஏ.எஃப்.ஐ ஆகியவற்றுடன் இந்த நிகழ்வை ஏற்பாடு செய்வதில் நெருக்கமாக ஈடுபட்டுள்ளார்.

மேலும் படிக்க | உலக பேட்மிண்டன் தரவரிசை.. சாத்விக் - சிராக் ஜோடி பின்னடைவு.. பி.வி. சிந்து முன்னேற்றம் - முழு விவரம்

முக்கிய வீரர்கள் பங்கேற்கவுள்ளனர்

இரண்டு முறை உலக சாம்பியனான ஆண்டர்சன் பீட்டர்ஸ், சீசன் லீடர் (87.76 மீ), 2016 ஒலிம்பிக் சாம்பியன் ஜெர்மனியின் தாமஸ் ரோலர், ரியோ ஒலிம்பிக்கில் வெள்ளிப் பதக்கம் வென்றவரும், 2015 உலக சாம்பியனுமான கென்யாவின் ஜூலியஸ் யேகோ, ஜப்பானிய ஜெங்கி டீன், பிரேசிலின் லூயிஸ் மௌரிசியோ டா சில்வா மற்றும் இலங்கையின் ருமேஷ் பத்திரகே ஆகியோர் இப்போட்டியில் பங்கேற்பதை உறுதிப்படுத்தியுள்ளனர். முன்னணி இந்திய பிளேயர்ஸ் சச்சின் யாதவ், ரோஹித் யாதவ், சாஹில் சில்வால் மற்றும் கிஷோர் ஜெனா ஆகியோரும் பங்கேற்க இருக்கின்றனர்.

இந்த நிகழ்வு உலக சாம்பியன்ஷிப் போட்டிக்கான தகுதிப் போட்டியாகவும் இருந்தது.

மேலும் படிக்க | குமார் சுரேந்திர சிங் மெமோரியல் துப்பாக்கி சுடுதல்: ஏர் ரைஃபிள் பிரிவில் கிரண் ஜாதவ் வெற்றி

முன்னதாக வெள்ளிக்கிழமை, இந்தியாவுக்கும் பாகிஸ்தானுக்கும் இடையிலான பதற்றம் தீவிரமடைந்துள்ளதால் இந்தியன் பிரீமியர் லீக் கிரிக்கெட்டும் இடைநிறுத்தப்பட்டது.

நீரஜ் சோப்ரா ஒரு இந்திய தடகள வீரர். மிகச்சிறந்த இந்திய ஈட்டி எறிதல் வீரராகக் கருதப்படும் இவர், ஒலிம்பிக், உலக சாம்பியன்ஷிப் மற்றும் ஆசிய விளையாட்டுப் போட்டிகளில் தங்கம் வென்றவர். அவர் ஒரு முறை டயமண்ட் லீக்கை வென்றுள்ளார்.