த்ரில் போட்டியில் அர்ஜெண்டினாவை வீழ்த்தி தென் கொரியா காலிறுதிக்கு தகுதி
Hockey World cup 2023: கடைசி வரை த்ரில்லாக சென்றுகொண்டிருந்த ஆட்டம் டிராவில் முடிய, பெணால்டி ஷூட் அவுட் முறையில் அர்ஜெண்டினாவை வீழ்த்தி தென்கொரியா அணி வீழ்த்தி காலிறுதிக்கு தகுதி பெற்றது.
உலகக் கோப்பை ஹாக்கி தொடரின் நாக்அவுட் சுற்று போட்டிகள் நடைபெற்று வரும் நிலையில் அர்ஜெண்டினா - தென் கொரியா அணிகளுக்கு இடையிலான போட்டி இன்று நடைபெற்றது. ஆட்டத்தின் முதல் பாதில் அர்ஜெண்டினா 1 கோல் அடித்து முன்னிலை பெற்றது.
ட்ரெண்டிங் செய்திகள்
இதன் பின்னர் இரண்டாவது பாதியில் மேலும் 2 கோல்கள் அடிக்க, பதிலுக்கு தென் கொரியா 2 கோல்கள் அடித்தது. இருப்பினும் அர்ஜெண்டினா 3-2 என முன்னிலையிலேயே இருந்தது. இதைத்தொடர்ந்து மூன்றாவது பாதியில் அர்ஜெண்டினா 1, தென் கொரியா 1 கோல்கள் அடிக்க மீண்டும் 4-3 என அர்ஜெண்டினா முன்னிலை பெற்றது.\
ஆட்டத்தின் இறுதி பாதி நேரத்தில் ஆக்ரோஷமான ஆட்டத்தை வெளிப்படுத்திய தென் கொரிய வீரர்கள் 2 கோல்கள் அடிக்க, அர்ஜெண்டினா ஒரு கோல் மட்டுமே அடித்தது. கடைசி வரை த்ரில்லாக சென்ற இந்த ஆட்டம் 5-5 என்ற கணக்கில் ஆட்டம் டிராவில் முடிவுற்றது.
இதைத்தொடர்ந்து வெற்றியாளரை தீர்மானிக்க பெனால்டி ஷூட் அவுட் முறை கடைப்பிடிக்கப்பட்டது. பெனால்டி ஷூட் அவுட்டில் கொரியா அணி 3-2 என்ற கணக்கில் அர்ஜெண்டினாவை வீழ்த்தி காலிறுதிக்கு முன்னேறியது. தென் கொரியா அணி கால் இறுதி ஆட்டத்தில் பலம் வாய்ந்த நெதர்லாந்தை எதிர்கொள்கிறது.
இன்று நடைபெற்ற மற்றொரு நாக்அவுட் ஆட்டத்தில் ஜெர்மனி அணி பிரான்ஸ் அணியை 5-1 என்ற கோல் கணக்கில் வீழத்தி காலிறுதிக்கு தகுதி பெற்றது.
டாபிக்ஸ்