தமிழ் செய்திகள்  /  விளையாட்டு  /  Cristiano Ronaldo: ரசிகர்களின் உணர்வுகளுக்கு மதிப்பு! கோல் அடித்தவுடன் கைகூப்பி மன்னிப்பு கோரிய ரொனால்டோ - வைரல் விடியோ

Cristiano Ronaldo: ரசிகர்களின் உணர்வுகளுக்கு மதிப்பு! கோல் அடித்தவுடன் கைகூப்பி மன்னிப்பு கோரிய ரொனால்டோ - வைரல் விடியோ

Muthu Vinayagam Kosalairaman HT Tamil
Jul 02, 2024 01:55 PM IST

ரசிகர்களின் உணர்வுகளுக்கு மதிப்பு அளிக்கும் விதமாக, கோல் அடித்தவுடன் ரொனால்டோ கைகூப்பி மன்னிப்பு கோரிய விடியோ வைரலாகியுள்ளது. யூரோ கோப்பை தொடரில் அதிக முறை காலிறுதி தொடரில் நுழைந்த அணி என்ற பெருமையை பெற்றுள்ளது போர்ச்சுகல்.

கோல் அடித்தவுடன் கைகூப்பி மன்னிப்பு கோரிய ரொனால்டோ
கோல் அடித்தவுடன் கைகூப்பி மன்னிப்பு கோரிய ரொனால்டோ (AFP)

யூரோ கோப்பை கால்பந்து கோப்பை தொடரின் நாக்அவுட் சுற்று போட்டிகள் நடைபெற்று வருகின்றன. ரவுண்ட் ஆஃப் 16 சுற்று போட்டிகளில் போர்ச்சுகல் - ஸ்லோவேனியா அணிகளுக்கு இடையிலான போட்டி நடைபெற்றது.

பெனால்டி முறையில் வெற்றி

பரபரப்புக்கு பஞ்சமில்லாமல் நடந்த இந்த போட்டியில் இரு அணிகளும் முழு ஆட்ட நேரம் முடிவிலும், கூடுதல் நேரத்திலும் ஒரு கோல் கூட அடிக்கவில்லை. இறுதியில் பெனால்டி சூட் அவுட் முறையில் போர்ச்சுகல் அணி வெற்றி பெற்றது. இதனால் ஸ்லோவேனியா அணி தொடரை விட்டு வெளியேறியது. போர்ச்சுகல் அணி யூரோ கோப்பை கால்பந்து தொடரில் ஏழாவது முறையாக காலிறுதி போட்டிக்கு தகுதி பெற்றது. அத்துடன் யூரோ கோப்பை தொடரில் அதிக முறை காலிறுதிக்கு தகுதி பெற்ற அணி என்ற பெருமையையும் போர்ச்சுகல் அணி பெற்றுள்ளது.

ரொனால்டோ மன்னிப்பு

முன்னதாக இந்த போட்டியின் கூடுதல் நேரத்தின் போது ஆட்டத்தின் 105வது நிமிடத்தில் கிடைத்த பொன்ல்டி வாய்ப்பை பயன்படுத்தி, போர்ச்சுகல் கேப்டனும், ஸ்டார் வீரருமான கிறஸ்டியானா ரொனால்டோ அடித்த ஷாட்டை அற்புதமாக தடுத்தார் ஸ்லோவேனியா கோல் கீப்பர். இதனால் அணிக்கு கிடைக்க வேண்டிய கோல் வாய்ப்பு பறிபோனது. தொடர்ந்து கூடுதல் நேரத்திலும் கோல் அடிக்க தவறியது.

இறுதியில் பெனால்டி கோல் முறையில் வெற்றியாளரை தீர்மானிக்கும் முடிவின் போது, முதல் வாய்ப்பை எடுத்தார் கிறிஸ்ட்டியானா ரெனால்டோ. இந்த முறை தீர்க்கமாக எப்படியாக கோல் அடித்த விட வேண்டும் என்ற முயற்சியில் ஓட்டத்தில் சிறிய நிறுத்தம் கொடுத்து குறி வைத்த ஷாட் ஆட கோல் ஆனது.

ட்ரெண்டிங் செய்திகள்

இதன் பின்னர் ரசிகர்களை பார்த்து, முதல் பொனால்டி வாய்ப்பை தவறவிட்டு நீண்ட நேரம் ஆட்டத்தை இழுத்தடிப்பு செய்ததற்காக கைகூப்பி மன்னிப்பு தெரிவித்தார்.  இதன் விடியோ வெளியாகி வைரலாகியுள்ளது.

ரெனால்டோவின் உணர்ச்சிவசப்பட்ட இந்த செயலுக்கு ரசிகர்களும் தங்களது ஆறுதலை தெரிவத்ததோடு, மன்னிப்பு தேவையில்லை ரொனால்டோ என்று அவரது ஆட்டத்திறன் குறித்து மதிப்பளித்தும், போர்ச்சுகல் அணிக்காக அவர் செய்த பல்வேறு விஷயங்களை கூறியும் கருத்துகளை பகிர்ந்துள்ளனர்.

மூன்று கோல்களை தடுத்து சாதனை

போர்ச்சுகல் நாட்டின் கோல் கீப்பரான டியோகோ கோஸ்டா, பொனால்டி சூட் அவுட்டில் ஸ்லோவேனியா வீரர்கள் அடித்த மூன்று கோல்களை தடுத்தார். இதன் மூலம் உலகக் கோப்பை, யூரோ கோப்பை போன்ற முக்கியத்துவம் வாய்ந்த சர்வதேச தொடர்களில் பொனால்டி முறையின் போது மூன்று கோல்களை தடுத்த வீரர்கள் லிஸ்டில் நான்காவது கோல் கீப்பர் என்ற சாதனையை புரிந்துள்ளார்.

ஸ்லோவேனியா அணிக்கு எதிராக பெனால்டி சூட் அவுட்டில் போர்ச்சுகல் வீரர்களான கிறஸ்டியானா ரொனால்டோ, ப்ரூனோ பெர்ணாண்டஸ், பெர்நார்டோ டி சில்வா ஆகியோர் கோல்கள் அடித்தனர். இவர்களின் கோல்களால் போர்ச்சுகல் 3-0 என வெற்றி பெற்றது.

காலிறுதிக்கு தகுதி பெற்ற அணிகள்

தற்போது வரை ஸ்பெயின், ஜெர்மனி, போர்ச்சுகல், பிரான்ஸ், இங்கிலாந்து, சுவிட்சர்லாந்து ஆகிய அணிகள் காலிறுதிக்கு தகுதி பெற்றுள்ளன.

இன்று நடைபெற இருக்கும் போட்டியில் ரேமானியா - நெதர்லாந்து, ஆஸ்திரியா - துருக்கி ஆகிய அணிகள் மோத இருக்கின்றன. 

இதில் வெற்றி பெறும் அணிகள் காலிறுதிக்கு முன்னேறும்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.