இத்தாலியன் ஓபன் டென்னிஸ் போட்டி: ஜானிக் சின்னரின் தொடர் வெற்றிகளை தடுத்து கார்லோஸ் அல்கராஸ் வென்ற கதை!

மேலும் படிக்க; துபாயில் நடைபெற்ற ஈட்டி எறிதலில் இந்திய வீராங்கனை கரிஷ்மா சனில் சாம்பியன்!

இத்தாலியன் ஓபன் இறுதிப்போட்டியில் வென்ற பின் பேசிய கார்லோஸ் அல்கராஸ்:-

போட்டிக்குப் பிறகு, கார்லோஸ் அல்கராஸ் கூறுகையில், "நான் போட்டியை அணுகிய விதம் எனக்குப் பெருமையாக உள்ளது. தந்திர ரீதியாக, முதல் புள்ளி முதல் கடைசி புள்ளி வரை நன்றாக விளையாடினேன் என்று நினைக்கிறேன்," என்றார்.

மேலும், "எனது முதல் ரோம் பட்டத்தை வென்றதில் மகிழ்ச்சி. இதுவே கடைசியாக இருக்காது என்று நம்புகிறேன்," என்றும் கூறினார்.

ஜானிக் சின்னரைப் பொறுத்தவரை, சக நாட்டவரான ஜாஸ்மின் பாவ்லினி பெண்களுக்கான போட்டியின் இத்தாலியன் ஓபன் பட்டத்தை ஒரு நாளுக்கு முன்பே வென்றுவிட்டார். இருந்தாலும், ஜானிக் சின்னரால் இந்த இத்தாலியன் ஓபன் டென்னிஸ்போட்டியில் வென்று, இரட்டை வெற்றியை உறுதி செய்ய முடியாமல் போனது ஏமாற்றம் அளித்தது.

மேலும் படிக்க: ஆண்டி முர்ரேவுடன் பயிற்சியாளர் கூட்டணியை முடித்துக் கொண்ட செர்பியாவின் நோவக் ஜோகோவிச்

தகர்ந்த ஜானிக் சின்னரின் நம்பிக்கை:

ஜனவரியில் ஆஸ்திரேலிய ஓபனை வென்ற பிறகு சின்னர் விளையாடிய முதல் போட்டி இது. 1976-ல் அட்ரியானோ பனாட்டாவுக்குப் பிறகு ரோமில் வெற்றி பெறும் முதல் இத்தாலிய வீரராக அவர் இருப்பார் என்று எதிர்பார்க்கப்பட்டது. ஆனால், இரண்டாவது இடத்தைப் பிடித்து திருப்தி அடைய வேண்டியதாயிற்று.

மூன்று மாத தடைக்குப் பிறகு இந்த வாரம் மீண்டும் களமிறங்கிய சின்னர், தனது குடும்பத்தினருக்கு நன்றி தெரிவித்தார்.

சின்னர் கூறுகையில், "மூன்று மாதங்களுக்குப் பிறகு இங்கு வந்து இந்த இரண்டாவது இடத்தைப் பெற்றது எனக்கு மிகவும் முக்கியம். எனது குழுவுக்கும் இது மிகவும் முக்கியம். இதற்காக நாங்கள் நிறைய உழைத்தோம். எனது குடும்பத்தினருக்கும் நன்றி," என்றார்.

மேலும் படிக்க: தாய்லாந்து ஓபன் 2025: முதல் சுற்றிலேயே வெளியேறிய லக்‌ஷயா சென்.. சிறப்பான வெற்றியுடன் முன்னேறிய ஆகர்ஷி, உன்னாட்டி

மேலும், "ஃபார்முலா 1 போட்டியைப் பார்க்க இமோலாவில் இருக்கும் என் சகோதரருக்கு ஒரு சிறப்பு நன்றி," என்று அவர் கூறியதும் பார்வையாளர்கள் சிரித்தனர்.

ஸ்பெயின் வீரரான கார்லோஸ் அல்கராஸ்,இத்தாலிய வீரரான ஜானிக் சின்னரை அவர்களின் கடைசி நான்கு சந்திப்புகளில் வீழ்த்தியுள்ளார். இதன்மூலம், பிரெஞ்சு ஓபன் போட்டிக்கு முன்னதாக மற்ற வீரர்களுக்கு எச்சரிக்கை மணி அடித்துள்ளார்.

ஸ்பெயின் வீரரான கார்லோஸ் அல்கராஸ் கூறுகையில், "ஜானிக்கை வீழ்த்தியது, ரோம் நகரில் வென்றது இரண்டும் சேர்ந்து பாரிஸுக்குச் செல்லும்போது எனக்கு மிகுந்த நம்பிக்கையைத் தருகிறது," என்றார்.