உலக பேட்மிண்டன் தரவரிசை.. சாத்விக் - சிராக் ஜோடி பின்னடைவு.. பி.வி. சிந்து முன்னேற்றம் - முழு விவரம்

மேலும் படிக்க: ஏமாற்றிய பி.வி. சிந்து , பிரணாய்.. இரண்டு தொடர் தோல்வி! இந்தியா வெளியேற்றம்

பி.வி. சிந்து முன்னேற்றம்

பெண்கள் ஒற்றையர் பிரிவில், இரண்டு முறை ஒலிம்பிக் பதக்கம் வென்றவரும் முன்னாள் உலக சாம்பியனுமான பி.வி. சிந்து 18வது இடத்திலிருந்து 16வது இடத்துக்கு முன்னேறியுள்ளார். 29 வயதான சிந்து, சுதிர்மன் கோப்பையில் களமிறங்கிய இரண்டு போட்டிகளிலும் தோல்வியடைந்தார். இழந்த ஃபார்மை மீட்க போராடி வரும் அவர், முக்கிய போட்டிகளில் தொடர் தோல்வியை சந்தித்து வருகிறார்.

மாளவிகா பன்சோத் (23), ரக்சிதா ஸ்ரீ (41வது), அனுபமா உபாத்யாயா (42) மற்றும் ஆகர்ஷி காஷ்யப் (47) ஆகியோர் டாப் 50 இடங்களில் உள்ள மற்ற இந்தியர்களாக உள்ளார்கள்.

மேலும் படிக்க: 24 ஆண்டு கால பதக்க கனவு.. முதல் சுற்றிலேயே வெளியேறிய பிரணாய்

இரட்டையர் பிரிவு

பெண்கள் இரட்டையர் பிரிவில், ட்ரீசா ஜாலி மற்றும் காயத்ரி கோபிசந்த் ஆகியோர் சுவிஸ் ஓபனுக்குப் பிறகு விளையாடவில்லை. இருப்பினும் இந்த ஜோடி தொடர்ந்து 10வது இடத்தில் நீடித்து வருகின்றனர்.

ஆண்கள் ஒற்றையர் பிரிவில், காமன்வெல்த் விளையாட்டில் தங்கப் பதக்கம் வென்ற லக்சயா சென் 18வது இடத்திலிருந்து 19வது இடத்தில் உள்ளார். ஆசிய விளையாட்டில் வெண்கலப் பதக்கம் வென்ற எச்.எஸ். பிரணாய் 30வது இடத்திலிருந்து 35வது இடத்துக்கு சரிந்துள்ளார். பிரியாஷு ராஜாவத் 36வது இடத்திலிருந்து 33வது இடத்துக்கு முன்னேறியுள்ளார்.

கலப்பு இரட்டையர் பிரிவில், இந்தியாவின் முன்னணி ஜோடியான துருவ் கபிலா மற்றும் தனிஷா க்ராஸ்டோ 18வது இடத்திலிருந்து 19வது இடத்துக்கு சரிந்துள்ளனர். இந்தியா தற்போது தைபே ஓபன் பேட்மிண்டன் தொடரில் பங்கேற்று விளையாடி வருகிறது.

மேலும் படிக்க: பேட்மிண்டன் வீரர்கள் சாத்விக் மற்றும் சிராக் ஷெட்டிக்கு மேஜர் தயான் சந்த் விருது

காயத்தால் அவதிப்பட்டு வந்த ஸ்டார் வீரர்,முன்னாள் உலகின் நம்பர் 1 வீரருமான கிடாம்பி ஸ்ரீகாந்த் இந்த தொடரில் பங்கேற்கிறார். இவருடன் வளர்ந்து வரும் இளம் வீரர்களான ஆயுஷ் ஷெட்டி, அனுபமா உபத்யாயா போன்றோரும் பங்கேற்கிறார்கள். 32 வயதாகும் கிடாம்பி ஸ்ரீகாந்த் தற்போது உலக தரவரிசையில் 64வது இடத்தில் உள்ளார்.