75th Independence day: புதிய ஜெர்சியை வெளியிட்ட பிசிசிஐ

இதையடுத்து இந்த நாளில் இந்திய கிரிக்கெட் அணியின் புதிய ஜெர்சியை பிசிசிஐ வெளியிட்டுள்ளது. இந்திய அணி வரும் ஆகஸ்ட் 18 முதல் 22 வரை ஜிம்பாப்வே சென்று அந்த அணிக்கு எதிராக மூன்று போட்டிகள் கொண்ட ஒரு நாள் தொடரில் பங்கேற்கிறது. இந்தப் போட்டிகள் அனைத்து ஹராரேவில் நடைபெற உள்ளன.

ஆசிய கோப்பையில் விளையாடும் வீரர்களில் சிலர் மட்டுமே இந்தப் போட்டியில் பங்கேற்க உள்ளனர். மற்றபடி இளம் வீரர்களுக்கும், ரிசர்வ் வீரர்களும் இந்த தொடரில் பங்கேற்கவுள்ளனர். இதன் பின்னர் ஆகஸ்ட் 27ஆம் தேதி முதல் ஐக்கிய அரபு அமீரகத்தில் இருக்கும் ஆசிய கோப்பை 2022 தொடரில் இந்தியா பங்கேற்கவுள்ளது.

இதற்கிடையே, சுதந்திர தினமான இன்று இந்திய அணியின் புதிய ஒரு நாள் ஜெர்சியை பிசிசிஐ தனது டுவிட்டரில் பகிர்ந்துள்ளது. அதில் ஜெர்சியின் முன் பகுதியில் கோடுகளுக்கு இடையே, இடது பக்கத்தில் மூவர்ண கொடி இடம்பிடித்து. 75 என்ற எண் பலமுறை ப்ரிண்ட் செய்யப்பட்டதாக புதிதாக வடிவமைக்கப்பட்டுள்ளது.

பிசிசிஐ தனது பதிவில், 75வது ஆண்டு விழா சுதந்திர தின கொண்டாட்டத்தை தேசிய கொடி இடம்பெற்றிருக்கும் இந்த ஜெர்சியை அணிந்து கொண்டாடுவோம். மிக குறைந்த அளவு எண்ணிக்கை மட்டுமே உள்ளது என குறிப்பிட்டுள்ளது.