செல் ஒலிம்பியாடில் பதக்கம் வென்றவர்களின் விவரம்…

இதன் நிறைவு விழா சென்னை நேரு உள்விளையாட்டு அரங்கில் பிரமாண்டமாக நடைபெற்றது.

இதையடுத்து இந்தியாவில் முதல் முறையாக நடைபெற்ற இந்த செஸ் ஒலிம்பியாட் போட்டியில் ஒபன் பிரிவில் உஸ்பெகிஸ்தான் அணி தங்கம் வென்றது. அர்மேனியா நாட்டுக்கு வெள்ளிப்பதக்கமும், இந்தியாவும் வெண்கலமும் கிடைத்தது. இந்த பதக்கங்களை முதல்வர் மு.க. ஸ்டாலின் வெற்றியாளர்களிடம் வழங்கினார்.

அதேபோல் பி பிரிவில் இந்திய அணியை சேர்ந்த குகேஷ், சரின் நிகல், பிரக்ஞானந்தா, சத்வானி ரெளனக் ஆகியோர் வெண்கலம் வென்றனர்.

மகளிர் பிரிவில் உக்ரைன் அணியை சேர்ந்த முசிச்சுக் மரியா, முசிச்சுக் அன்னா, உஷெனினா அன்னா, புக்ஸா நடாலியா ஆகியோர் தங்கம் வென்றனர். ஜார்ஜியாவின் டிசக்னிட்ஸ் நானா, பாட்சியாஷ்விலி நினோ, ஜவகிஷ்விலி லேலா, அரபிட்ஸே மேரி ஆகியோர் வெள்ளி வென்றனர்.

இந்திய மகளிர் ஏ அணியை சேர்ந்த கோனேரு ஹம்பி, வைஷாலி, தானியா சச்தேவ், குல்கர்னி பக்தி ஆகியோர் வெண்கலம் வென்றனர்.

தனி நபர் பிரிவில் குகேஷ், நிகால் சரின் ஆகியோர் தங்கப்பதக்கம் வென்றனர். இதேபோல் தனிநபர் பிரிவில் சிறந்த விளங்கிய பல்வேறு வீரர்கள், வீராங்கனைகளுக்கும் பதக்கம் வழங்கப்பட்டது.