Yogini Ekadashi: விஷ்ணு பகவானுக்குரிய யோகினி ஏகாதசி - தப்பித்தவறி இந்த விஷயங்களை மட்டும் செய்யாதீர்கள்!

Yogini Ekadashi: ஜூலை 2ஆம் தேதி யோகினி ஏகாதசி விரதம் கடைப்பிடிக்கப்படுகிறது. யோகினி ஏகாதசி சனாதன தர்மத்தில் மகத்தான மத முக்கியத்துவத்தைக் கொண்டுள்ளது. இந்த நன்னாளில் பக்தர்கள் விரதம் இருந்து துவாதசி திதியில் கடவுளை வணங்குகிறார்கள். இது தவிர, சில பக்தர்கள் விஷ்ணு பகவானின் கோயிலுக்குச் சென்று சிறப்பு பூஜைகளை செய்கிறார்கள். மாதம் இருமுறை ஏகாதசி வரும். ஒன்று கிருஷ்ண பக்ஷம், மற்றொன்று சுக்ல பக்ஷம். ஏகாதசி அன்று சில காரியங்களைச் செய்வது விஷ்ணு பகவானின் கோபத்தை ஏற்படுத்தி நிதி நிலைமையையும் பாதிக்கும். எனவே, நீங்கள் விரதம் இருந்தாலும் இல்லாவிட்டாலும், ஜூலை 2-ஆம் தேதி தவறுதலாக கூட இவற்றைச் செய்யாதீர்கள்.

யோகினி ஏகாதசி அன்று என்ன செய்யக்கூடாது?:
கருப்பு ஆடைகள்- மத நம்பிக்கைகளின்படி, எந்தவொரு புனித நிகழ்ச்சியிலும் அல்லது வழிபாட்டின்போதும் கருப்பு ஆடைகளை அணியக்கூடாது. எனவே, யோகினி ஏகாதசி நாளில் கருப்பு நிற ஆடைகளை அணிவதைத் தவிர்க்க வேண்டும். மகாவிஷ்ணுவின் எல்லையற்ற அருளைப் பெற இந்த நாளில் மஞ்சள் ஆடைகளை அணிவது மிகவும் மங்களகரமானதாக இருக்கும்.

துளசி இலைகள் - துளசி இலைகள் ஸ்ரீ ஹரி விஷ்ணுவுக்கு மிகவும் பிரியமானவை, இது இல்லாமல் இறைவனுக்கு நைவேத்தியம் படைக்கப்படாது. எனவே, யோகினி ஏகாதசி நாளில், ஒருவர் துளசி இலைகளைத் தொடவோ அல்லது முறிக்கவோ கூடாது. துளசி இலைகளை உடைத்தால் லட்சுமி தேவிக்கு கோபம் வரும்.

அரிசி - யோகினி ஏகாதசி அன்று சாதம் சாப்பிடக்கூடாது. இந்த நாளில் அரிசி சாப்பிட்டால் குற்ற உணர்வு ஏற்படும் என்று நம்பப்படுகிறது.

அவமானப்படுத்துதல் - இந்த நாளில் யாரையும் புண்படுத்த முயற்சிக்காதீர்கள், விவாதங்களையும் தவிர்க்கவும். யாரையும் கேலி செய்யவோ, மட்டப்படுத்தவோ கூடாது.

ஆல்கஹால் - யோகினி ஏகாதசி நாளில் மறந்தும் மது அருந்தக் கூடாது. இந்த நாளில் அசைவ உணவை உட்கொள்வது விஷ்ணு பகவானை கோபப்படுத்தும்.