‘அவன் அப்பா.. அவ அம்மா.. தினமும் அரட்டை அடிப்போம்.. எல்லாம் பேசுவோம்.. அவங்க அதிகாரம் பண்ணுறதுதான்..’ -விஜய்சேதுபதி!

நடிகர் விஜய் சேதுபதி தனது குழந்தைகளிடம் எப்படி நடந்து கொள்வார் என்பது குறித்து முன்னதாக பேட்டி ஒன்றில் பேசி இருந்தார். அந்த பேட்டியை பார்க்கலாம்

 ‘நான் என்னுடைய மகனை அப்பா என்றும், மகளை அம்மா என்றுதான் அழைப்பேன். அவர்கள் என்னை அதிகாரம் செய்வார்கள். 

நான் தினமும் ஷூட்டிங் ஸ்பாட்டில் நடந்த விஷயங்களை அவர்களோடு கலந்து கொள்வேன்.

இன்னும் குறிப்பாக படத்தில் ஏதேனும் சுவாரசியமான சீனை ஷூட் செய்தோம் என்றால், அதை அவர்களிடம் கலந்து கொண்டு அவர்களின் கருத்துக்களை கேட்பேன். 

எந்த விஷயமாக இருந்தாலும் நான் அவர்களிடமும் நான் கருத்துகளை கேட்பேன். 

நான் அவர்களின் அப்பா என்ற பிம்பத்தை நான் உருவாக்க வில்லை. சில சமயங்களில் நான் தான் குடும்பத்தில் குழந்தை போன்று தெரியும்." என்று பேசினார்.