'சொல்ல முடியாத சோகம்' - ஏர் இந்தியா விமான விபத்து நடந்த இடத்தில் பிரதமர் மோடி!

வெள்ளிக்கிழமை காலை அகமதாபாத்திற்கு வருகை தந்த பிரதமர் நரேந்திர மோடி, மருத்துவமனையில் சிகிச்சை பெற்று வரும் காயமடைந்தவர்களைச் சந்தித்து ஆறுதல் கூறினார்.

ஏர் இந்தியா விமான விபத்தில் உயிர் பிழைத்த ஒரே நபரான விஸ்வாஸை பிரதமர் மோடி சந்தித்தார்.

'இது விவரிக்க முடியாத ஒரு சோகம். எதிர்பாராத விதமாக இவ்வளவு உயிர்கள் பறிபோனது மனவேதனை அளிக்கிறது. இறந்தவர்களின் குடும்பங்களுக்கு எனது இரங்கலைத் தெரிவித்துக் கொள்கிறேன். உங்கள் வலியை எங்களால் புரிந்து கொள்ள முடியும். உங்கள் வாழ்வில் ஏற்பட்ட இழப்பை எங்களால் புரிந்து கொள்ள முடியும்' என்று பிரதமர் மோடி கூறினார்.

மருத்துவமனையில் காயமடைந்தவர்களை சந்தித்ததோடு மட்டுமல்லாமல், அகமதாபாத் விமான நிலையத்திற்கு அருகே ஏர் இந்தியா விமான விபத்து நடந்த இடத்தையும் மோடி பார்வையிட்டு அதிகாரிகளிடம் விவரங்களை விசாரித்தார்.

விபத்து நடந்த இடத்தில் பிரதமர் நரேந்திர மோடி பார்வையிட்டார்.