Ketu Unluck: வேற இடத்துக்கு மாறும் கேது.. சிக்கி சின்னாபின்னமாகி குழம்பப்போகும் ராசிகள்

Ketu Unluck: கேது பகவான் தற்போது கன்னி ராசியில் அமர்ந்து ஹஸ்த நட்சத்திரத்தின் முதல் பாதத்தில் சஞ்சரிக்கிறார். விரைவில் கேது கிரகம் ஹஸ்த நட்சத்திரத்தின் இரண்டாவது பாதத்தில் பின்னோக்கிய நகர்வில் சஞ்சரிக்கப் போகிறார். கேதுவின் பிற்போக்கு இயக்கம் சில ராசிகளுக்கு மோசமான நேரங்களையும் பலன்களையும் தரலாம்.

துலாம்: 

கன்னி ராசியின் ஹஸ்த நட்சத்திரத்தின் இரண்டாவது பாதத்தில் கேதுவின் பெயர்ச்சி உங்களுக்கு மங்களகரமானதாக இல்லை. பொருளாதார வாழ்க்கையில் ஏற்ற இறக்கங்கள் இருக்கும். நீங்கள் வாழ்க்கையில் சவால்களை எதிர்கொள்ள வேண்டியிருக்கும். வேலைகளை முடிப்பதில் தடைகள் ஏற்படலாம். ஆரோக்கியத்தில் சிறப்பு கவனம் செலுத்த வேண்டியது அவசியம். எதிரிகளால் தொல்லை அதிகரிக்கும். எனவே, எதிர்வினையாற்றாமல் அமைதியாக செல்வது பெரும்சேதத்தைத் தவிர்க்க உதவும். 

கன்னி:

கன்னி ராசியின் ஹஸ்த நட்சத்திரத்தின் இரண்டாவது பாதத்தில் கேதுவின் பெயர்ச்சி கன்னி ராசிக்காரர்களுக்கு அதிக கெடுதல்களைத் தரும். தொழிலில், சக ஊழியர்களுடன் வாக்குவாதம் ஏற்படும் சூழ்நிலை ஏற்படலாம். பொருளாதார பிரச்னைகளை சந்திக்க நேரிடும். அளவுக்கு மீறிய செலவுகள் மனதை தொந்தரவு செய்யும். தேவையற்ற மன அழுத்தம் உருவாகலாம். அதில் இருந்து எச்சரிக்கையாக இருந்து தப்பிக்க வேண்டும். திருமணமானவர்களுக்கு உறவில் நிம்மதி இருக்காது. 

கடகம்:

கன்னி ராசியின் ஹஸ்த நட்சத்திரத்தின் இரண்டாவது பாதத்தில் கேதுவின் பெயர்ச்சி, கடக ராசிக்காரர்களுக்கு நன்மையைத் தராது. பொருளாதார நிலைமையில் வீழ்ச்சி உண்டாகலாம்.  பண இழப்பு ஏற்பட வாய்ப்பு உள்ளது. நீங்கள் எதிர்மறையாக உணரலாம். வாழ்க்கைத் துணையுடன் கருத்து வேறுபாடு ஏற்படலாம். உடல்நலமும் மனநலமும் மோசமடையக்கூடும். கணவன் - மனைவி பிரச்னையில் கடகராசியினர், வாயே திறக்கக் கூடாது. அப்படியிருப்பதுதான் நல்லது. தொழிலும் பொறுமை மிக முக்கியம். கடக ராசியினர் இந்தப் பிரச்னையில் இருந்து விடுபட கேது கிரஹ மந்திரத்தைப் பாராயணம் செய்வது நல்லது.