Ulcer Home Remedies : அல்சர் பிரச்னையால் அவதியா? இதோ வீட்டிலேயே செய்யக்கூடிய எத்தனை எளிய தீர்வுகள் பாருங்க!

தினமும் சாதத்தில் தேங்காய் பாலை ஊற்றி சாப்பிட்டு வந்தால், வயிற்றில் உள்ள புண்கள் சரியாகும்.

அல்சர் குணமாக முட்டைகோஸ், பாகற்காய் மற்றும் முருங்கைக்காயை அடிக்கடி உணவில் சேர்த்து சாப்பிடவேண்டும்.

வெண்ணெயை சூடான நீர் அல்லது சாதம் வேகும் தண்ணீரில் கலந்து பருகினால் அல்சரால் ஏற்படும் வலி குறைய வாய்ப்பு உண்டு.

ஆப்பிள் பழத்தின் சாறு, அகத்திக்கீரை சூப் அல்லது சாறு, பீட்ரூட் சாறு ஆகியவற்றை தினமும் பருகினால் வயிற்றில் உள்ள அல்சர் புண்கள் காணாமல் போக வாய்ப்பு உண்டு.

நெல்லிக்காயில் இருந்து சாறு எடுத்து அதை மோருடன் கலந்து 30 நாட்கள் பருகி வந்தால், பலன் தெரியும். இதை எத்தனை நாட்கள் வேண்டுமானாலும் பருகலாம்.

தினமும் காலை வெறும் வயிற்றில் மற்றும் இரவு உறங்கச் செல்லும் முன் வெதுவெதுப்பான தண்ணீரில் தேனை கலந்து பருகிவர அல்சர் மற்றும் வயிறு எரிச்சல் பிரச்னைகள் குணமாகும்.

பூண்டை தேனில் ஊறவைத்து சாப்பிட்டு வந்தால் உங்களுக்கு அல்சர் குணமாகும். மேலும் பூண்டு பாக்டீரியாவை எதிர்க்கும் திறன் பெற்றது.

வெந்தயம் கலந்த தேநீர், கற்றாழை மோர் என அடிக்கடி பருகவேண்டும். அல்சர் உள்ளவர்கள் தண்ணீரை அதிகம் பருகவேண்டும். அப்போதுதான் வயிற்றில் எரிச்சல் இருக்காது.

அல்சரால் அவதிப்படுபவர்கள் அசைவ உணவு, காரம், எண்ணெயில் பொரித்த உணவுகள் மற்றும் எளிதில் செரிக்காத உணவுகள் ஆகியவற்றை தவிர்க்கவேண்டும். மாதுளை பழம், தேன், வெள்ளை பூசணி, மோர் இது நான்கையும் அன்றாட உணவில் சேர்ப்பதை வழக்கமாக்கிக்கொள்ளவேண்டும்.