சிறுவயதில் தந்தையின் இழப்பு.. பேனா பிடிக்கும்கைகளில் கீ-போர்டு.. ஆஸ்கர் நாயகன் ஏ.ஆர்.ரஹ்மானின் கதை!

எம்.எஸ். விஸ்வநாதன், குன்னக்குடி வைத்தியநாதனிடமும் பணி புரிந்தார். மேற்கத்திய இசையை மாஸ்டர் தன்ராஜிடம் கற்றார். நிறைய விளம்பரப் படங்களுக்கு இசை அமைத்தார். 1992-ல் மணிரத்னம் இயக்கத்தில் வெளிவந்த "ரோஜா" திரைப்படம் இவரின் இசையில் முதல் படமாக வெளியானது. முதல் படத்திலேயே முந்தைய காலகட்டத்தின் இசையை போல இல்லாமல் புது மாதிரியாக ரசிகர்களை உணர வைத்தார். ரோஜாவின் பாடல்களும் பின்னணி இசை கோர்ப்பும் ரசிகர்களை புதிதாக கொண்டாட வைத்தது. எல்லோரது கவனமும் இவர் மேல் விழுந்தது.

ரோஜாவில் ஆரம்பித்த பயணம் புயல் வேகமாக இந்திய எல்லைகளை கடந்து உலகெங்கும் பரவியது. இசைக்கு ஏது மொழி என்பது போல தமிழ், இந்தி, ஆங்கிலம் என்று தனது எல்லையை விரித்தார்.

பலமுறை ஃபிலிம்பேர் விருதுகள், பல மாநில அரசு விருதுகள், பல முறை தேசிய விருதுகளை இவரின் கைகள் சுமந்தன. "ஸ்லம் டாக் மில்லியனர்" என்ற ஆங்கில படத்தில் இசை அமைத்ததற்காக கோல்டன் குளோப் விருது, பாஃப்டா விருதுகளை பெற்ற முதல் இந்தியர் ஆவார். இதே படத்தில் இசை அமைத்தமைக்காக ஆஸ்கர் விருதையும் பெற்று தந்தது. உலகின் எந்த விழா மேடையிலும் "எல்லா புகழும் இறைவனுக்கே" என்ற வார்த்தைகளை சொல்லத்தவறுவதில்லை. அது ஆஸ்கர் விருது மேடையாக இருந்தாலும் சரி.

மகள் கதீஜாவின் திருமணத்தில் ஒன்றாக இருந்த ஏ.ஆர்.ரஹ்மான் மற்றும் சைரா பானு தம்பதியினர், சமீபத்தில் மண வாழ்க்கையில் இருந்து பிரிவதாக அறிவித்தனர். கதீஜாவுக்கு ரஹீமா என்ற சகோதரியும், அமீன் என்ற சகோதரரும் உள்ளனர்.