Guru Bhagavan: கிருத்திகை நட்சத்திரத்துக்கு சென்ற குரு.. எதிரிகளை துரத்தியடிக்கப் போகும் ராசிகள்

வரும் மே 1ஆம் தேதி, குரு பகவான், ரிஷப ராசிக்குப் பெயர்ச்சி ஆகிறார். மேலும், குருவின் நட்சத்திரப் பெயர்ச்சியானது கடந்த ஏப்ரல் 17ஆம் தேதி நடந்துள்ளது. அதன்படி, குரு பகவான், மேஷ ராசியின் கிருத்திகை நட்சத்திரத்திற்கு பெயர்ந்துள்ளார். இந்த நட்சத்திரப் பெயர்ச்சியால் அதிர்ஷ்டத்தைப் பெறும் ராசிகள் குறித்துக் காண்போம்.

மிதுனம்: இந்த ராசியினருக்கு குரு பகவான் கிருத்திகை நட்சத்திரத்துக்குப் பெயர்வது, வருவாயில் கூடுதலைத் தரக் கூடியது.குரு பகவானின் நட்சத்திரப் பெயர்ச்சியால் இத்தனை நாட்களாக வரன் அமையாத ராசியினருக்கு, வரன் அமையும். மிதுன ராசியினருக்கு சைடு பிசினஸ் செய்யும் வாய்ப்புள்ளது. இதற்கு முன், பல்வேறு இடங்களில் இன்வெஸ்ட்மென்ட் செய்திருந்தால் அதில் இருந்து மெல்ல லாபம் வரத் தொடங்கும். பணியிடத்தில் மூத்தவர்கள் மற்றும் சக ஊழியர்களிடம் நல்ல முறையில் பேசும் வாய்ப்புள்ளது. மேலும், இலட்சியங்களை எட்டவும், திட்டங்களை சரியான நேரத்தில் முடிக்கவும் மகத்தான ஆதரவைப் பெறப்போகிறீர்கள். வியாபாரம் அமோகமாக இருக்கும். தம்பதிகளிடையே அந்நியோன்யம் அதிகரிக்கும். சக நண்பர்களுடன் இணைந்து பணியாற்றுவது , வாழ்க்கையில் முன்னேற்றத்துக்கு வழிவகுக்கும். ஒத்த எண்ணம் கொண்டவர்களை நீங்கள் சந்திப்பீர்கள்.

மேஷம்: இந்த ராசியினருக்கு, குருவின் நட்சத்திரப் பெயர்ச்சியால், தொழில் முனைவோருக்கு நன்மைகள் அதிகம் கிடைக்கும். போட்டியாளர்களின் தொல்லை குறையும். இத்தனை நாட்களாக சம்பாதித்தது எல்லாம் கரைந்துபோய்விட்டதே என வருத்தப்படும் நபர்கள், வங்கியில் சேமிப்புக் கணக்கினைத் தொடங்கி சேமிப்பீர்கள். இத்தனை நாட்களாக , பிள்ளை இல்லை என வருத்தப்படும் தம்பதிகள், இக்காலகட்டத்தில் முயற்சித்தால் சிசு நிற்கும். வியாபாரம் செய்யும் நபர்களுக்கு, பார்ட்னரால் நன்மைகள் கிடைக்கும். திருமணம் செய்து கொள்ள விருப்பம் உள்ளவர்களுக்கு சில நல்ல திருமண முன்மொழிவுகள் கிடைக்கும். திருமண வாழ்க்கை அமைதியாகவும் புத்திசாலித்தனமாகவும் இருக்கும். பொதுவாகவே குறைவாக பேசும் நபராக இருந்தாலும், இந்த காலகட்டத்தில் மிகவும் அதிகமாகப் பேசுவீர்கள். உங்களது நம்பிக்கை அதிகரிக்கும். உங்கள் தொழிலில் உள்ள நுணுக்கங்களையும் படிப்படியாக கற்றுக் கொள்வீர்கள். வியாபாரத்தில் பார்ட்னரிடம் சின்ன சின்ன பிரச்னைகள் வந்தாலும் அதனை எளிதில் தீர்த்துக் கொள்வீர்கள்.