Sumit Nagal: 35 வருடங்களுக்கு பிறகு.. ஆஸி., ஓபனில் தரமான வெற்றியை ருசித்த இந்தியர்

இந்திய டென்னிஸ் வீரரான சுமித் நாகல், செவ்வாய்கிழமை நடைபெற்ற ஆஸ்திரேலிய ஓபன் டென்னிஸ் போட்டியில், உலகின் 27-ம் நிலை வீரரான கஜகஸ்தானின் அலெக்சாண்டர் பப்ளிக்-ஐ நேர் செட்களில் வீழ்த்தி, முதல்முறையாக இரண்டாவது சுற்றில் நுழைந்தார். (Photo by WILLIAM WEST / AFP) 

26 வயதான நாகல், தகுதிச் சுற்று மூலம் பிரதான சுற்றுக்கு முன்னேறினார், இரண்டு மணி நேரம் 38 நிமிடங்கள் நீடித்த இந்த கடுமையான ஆட்டத்தில் 31-வது நிலை வீரரான பப்லிக்கை 6-4 6-2 7-6 (7-5) என்ற கணக்கில் தோற்கடித்தார். REUTERS/Ciro De Luca

ஆஸ்திரேலிய ஓபன் 2வது சுற்றுக்கு நாகல் முன்னேறுவது இதுவே முதல்முறையாகும். 2021 இல், அவர் தொடக்கச் சுற்றில் 2-6, 5-7, 3-6 என்ற கணக்கில் லிதுவேனியாவின் ரிக்கார்டஸ் பெரான்கிஸிடம் தோற்றார். (Photo by WILLIAM WEST / AFP) 

உலகத் தரவரிசையில் 139-வது இடத்தில் இருக்கும் இந்திய வீரர் நாகல், தனது வாழ்க்கையில் இரண்டாவது முறையாக கிராண்ட்ஸ்லாம் போட்டியின் இரண்டாவது சுற்றில் விளையாடுகிறார். REUTERS/Ciro De Luca

2020 யுஎஸ் ஓபனில், நாகல் இரண்டாவது சுற்றில் 6-3, 6-3, 6-2 என்ற செட் கணக்கில் இரண்டாம் நிலை வீரரும் இறுதிச் சாம்பியனுமான டொமினிக் தீமிடம் தோற்றார். (AP Photo/Asanka Brendon Ratnayake)

கடைசியாக 1989 ஆம் ஆண்டு ஆஸ்திரேலிய ஓபனில் அப்போதைய உலகின் நம்பர் ஒன் மற்றும் நடப்பு சாம்பியனான மேட்ஸ் விலாண்டரை ரமேஷ் கிருஷ்ணன் வென்றார். அதன்பிறகு சுமித் நாகல் தான் இந்தியா சார்பாக தற்போது வீரரை வீழ்த்தியிருக்கிறார். (Photo by WILLIAM WEST / AFP)