துல்லியமாக தாக்கும் திறன்..ஆபரேஷன் சிந்தூரில் பயன்படுத்தப்பட்ட ஸ்கால்ப் ஏவுகணையின் சிறப்பம்சங்கள் என்னென்ன?

பஹல்காம் தாக்குதலுக்கு பதிலடி கொடுக்கும் விதமாக நள்ளிரவு பாகிஸ்தான் மீது இந்தியா தாக்குதல் நடத்தியது.

9 இடங்களில் நடத்தப்பட்ட தாக்குதலில் ஜெய்ஷ் இ முகமது மற்றும் லஷ்கர் -இ - தொய்பாவின் பல தளங்கள் மற்றும் தலைமையகங்கள் அழிக்கப்பட்டன.

ரபேல் போர் விமானங்கள் மூலம் ஸ்கால்ப் ஏவுகணைகள் மற்றும் ஹேமர் குண்டுகளை வீசி தாக்குதல் நடத்தியது.

இந்த ஸ்கால்ப் ஏவுகணையை Storm Shadow என்றும் அழைக்கின்றனர். அதாவது நீண்ட தூர ஆழமான தாக்குதல்களுக்காக வடிவமைக்கப்பட்ட ஒரு வான்வழி ஏவுகணை ஆகும்.

இந்த ஏவுகணை இரவில் மட்டுமல்லாது அனைத்து விதமான வானிலையிலும் இயங்கும் திறன் கொண்டது.

கிட்டத்தட்ட 500 கிலோமீட்டர் வரை பாய்ந்து இலக்கை தாக்கும் திறன் கொண்டது கூறப்படுகிறது.

இந்த ஏவுகணை ஐரோப்பிய கூட்டமைப்பான MBDA மூலம் தயாரிக்கப்படுகிறது.

450 கிலோ எடையுள்ள வெடிமருந்தை சுமந்து செல்லக்கூடிய இந்த ஏவுகணை, ஜெட் விமானத்தில் இருந்து ஏவப்படும்போது தாழ்வாகப் பறக்கும் என்பதால் இதனை கண்டறிவதும் கடினமாம்.

இது INS, GPS மற்றும் நிலப்பரப்பு குறிப்புகளை பயன்படுத்தி இலக்குகளை துல்லியமாக தாக்கும் திறன் கொண்டவை!

இந்தத்தாக்குதலில் 50க்கும் மேற்பட்ட தீவிரவாதிகள் சுட்டுக்கொல்லப்பட்டு இருக்கின்றன.