RIP Manoj Bharathi: ‘நடிகையுடன் காதல்.. கேரளாவில் திருமணம்..’ மனோஜ் பாரதியின் மகிழ்வான பக்கம்!

நடிகரும், இயக்குனருமான மனோஜ் பாரதி, தான் சினிமாவில் வந்த சில ஆண்டுகளில் நந்தனா என்பவரை காதலித்து திருமணம் செய்து கொண்டார்.

கேரளாவைச் சேர்ந்த நந்தனாவும் நடிகையாவார். தமிழ், தமிழர் உணர்வோடு செயல்பட்டு வந்த பாரதிராஜாவை, கேரள பெண்ணை மணந்த மகனை வைத்து, அந்த சமயத்தில் சிலர் விமர்சனம் செய்தனர்.

விமர்சனங்களை புறந்தள்ளி, தன் மனைவி நந்தனாவுடன் மகிழ்வான வாழ்க்கையை வாழ்ந்தார் மனோஜ். நட்பாக இருந்து காதலாக மாறிய இவர்களது திருமணம், 2006 ஆம் ஆண்டு டிசம்பர் 1 ஆம் தேதி கோழிக்கோட்டில் நடந்தது.

மனோஜ்-நந்தனா தம்பதிக்கு ஆர்த்திகா மற்றும் மதிவதனி என்ற இரண்டு மகள்கள் உள்ளனர். குடும்பத்தாருடன் நேரத்தை செலவிடுவதை மனோஜ் வழக்கமாக கொண்டிருந்தார்.

தொழில் ரீதியாக கடுமையான போராட்டங்களை மனோஜ் சந்தித்தாலும், குடும்ப வாழ்க்கையில் தன் மனைவி, குழந்தைகளுடன் அவர் மிக்க மகிழ்ச்சியோடு வாழ்ந்து வந்தார். இப்போது அவர் இறந்த நிலையில், அவரது குடும்பத்திற்கு ஆறுதல் கிடைக்கட்டும்.