Rakul Preet Singh: இந்தியன் 2 தோல்விக்குப் பின் கிட்டிய வாய்ப்பு; ரொமான்டிக் காமெடி படத்தில் நடிக்கும் ரகுல் ப்ரீத் சிங்

அர்ஜுன் கபூர் நடித்து வரும் 'மேரே ஹஸ்பண்ட் கி பீவி' படத்தில் ரகுல் ப்ரீத் சிங், பூமி பெட்னேகர் உள்ளிட்டோர் முக்கிய கதாபாத்திரங்களில் நடித்துள்ளனர்.

ரகுல் ப்ரீத் சிங்கின் கணவர் ஜாக்கி பக்னானி  தயாரித்து, முடாசர் அஜீஸ் இயக்கியுள்ள இப்படம் பிப்ரவரி 21ஆம் தேதி திரையரங்குகளில் வரவுள்ளது. 

ரகுல் ப்ரீத் சிங் இரண்டு ஆண்டுகளுக்குப் பிறகு ‘மேரே ஹஸ்பண்ட் கி பீவி’ மூலம் பாலிவுட்டுக்கு மீண்டும் வருகிறார். 

தமிழில் ரகுல் ப்ரீத் சிங் நடித்து ரொம்ப நாட்கள் ஆகின்றன. இறுதியாக அயலான், இந்தியன் 2 ஆகியப் படங்களில் நடித்து இருந்தார். 

இந்நிலையில் ஷங்கர் இயக்கியிருந்த 'இந்தியன் 2' படம் படுதோல்வியைச் சந்தித்தது. மேலும், இந்தியன் 3 படத்திலும், டி டி பியார் டி என்னும் இந்தி படத்திலும், நடிகை ரகுல் ப்ரீத் சிங் நடித்து வருகிறார்.  

ரகுல் ப்ரீத் சிங், கார்த்தி நடித்த தீரன் அதிகாரம் ஒன்று படம் மூலம் பிரபலமானவர்.