கர்ப்பிணிகளே, கொரோனா காலத்தில் பாதுகாப்பாக இருப்பது எப்படி ? இதோ உங்களுக்கான டிப்ஸ்!

கொரோனா வைரஸ் தொற்று இருமல், தும்மல் போன்றவற்றின் மூலம் பரவுகிறது. மேலும், தொற்று உள்ள இடத்தில் கைகளைத் தொட்டுவிட்டு முகத்தில் வைத்தாலும் கொரோனா வரலாம். எனவே, அடிக்கடி கைகளைச் சுத்தம் செய்தல் மற்றும் கைகளை முகத்தில் வைக்காதிருத்தல் பழக்கத்தை மேற்கொள்ளுங்கள்.

கூட்ட நெரிசலான இடங்களுக்குச் செல்வதைத் தவிர்க்க வேண்டும். முகக்கவசம் அணிவதற்கான பழக்கத்தை வளர்த்துக்கொள்ளுங்கள். முகக்கவசம் கொரோனா வைரஸை ஓரளவுக்குத் தடுக்க உதவும்.

ஆரோக்கியமான உணவு - வைரஸ், பாக்டீரியாக்களின் வளர்ச்சியைத் தடுக்க நோய் எதிர்ப்பு சக்தியை அதிகரிக்க வேண்டும். மேலும், சில நாட்களில் ஒரு புதிய குழந்தை பிறக்க உள்ளது. எனவே, இந்த நேரத்தில் ஆரோக்கியமான உணவு மிகவும் அவசியம். அதேபோல், அதிக அளவில் தண்ணீர் குடித்து உடலில் நீர்ச்சத்து இருக்குமாறு பராமரிக்க வேண்டும்.

வழக்கமான பரிசோதனை செய்து கொள்ளுங்கள் - இந்த நேரத்தில், வழக்கமான பரிசோதனை செய்து கொள்ளுங்கள். கருவில் உள்ள குழந்தையின் நிலை எப்படி இருக்கிறது என்பதை கவனிக்க, பரிசோதனை செய்வது அவசியம். சளி, இருமல் இருந்தாலும் உடனடியாக மருத்துவரை அணுகுங்கள்.

மருந்துகள் அல்லது சப்ளிமெண்ட்களை தவறாமல் எடுத்துக் கொள்ளுங்கள் - கர்ப்பத்திற்குப் பிறகு, தேவைக்கேற்ப பல்வேறு சப்ளிமெண்ட்கள் அல்லது மருந்துகளை எடுத்துக்கொள்ள மருத்துவர்கள் பரிந்துரைக்கின்றனர். ஆனால் அவற்றைத் தவறவிடக்கூடாது. அவற்றை ஒவ்வொரு நாளும் தவறாமல் எடுத்துக்கொள்ள வேண்டும்.

பொறுப்பு துறப்பு : இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்த ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம். எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்சினைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும்.