Nita Ambani : சர்வதேச ஒலிம்பிக் கமிட்டி உறுப்பினராக நீதா அம்பானி போட்டியின்றி மீண்டும் தேர்வு!

ரிலையன்ஸ் பவுண்டேஷன் தலைவர் நீதா அம்பானி சர்வதேச ஒலிம்பிக் கமிட்டி (ஐஓசி) உறுப்பினராக போட்டியின்றி மீண்டும் தேர்ந்தெடுக்கப்பட்டுள்ளார்.

2024 பாரிஸ் ஒலிம்பிக் போட்டிகளுக்கு மத்தியில் ஒரு குறிப்பிடத்தக்க அறிவிப்பில், நிதா 100 சதவீத வாக்குகளுடன் போட்டியின்றி தேர்ந்தெடுக்கப்பட்டதாக ஐ.ஓ.சி தெரிவித்துள்ளது.

ஜூலை 24, புதன்கிழமை நடைபெற்ற ஐஓசியின் 142 வது கூட்டத்தில் கலந்து கொண்ட 93 வாக்காளர்களும் நீதா அம்பானிக்கு ஆதரவாக வாக்களித்தனர்.

2016 ரியோ ஒலிம்பிக்கில் முதல் முறையாக பன்னாட்டு ஒலிம்பிக் குழு உறுப்பினராகத் தேர்ந்தெடுக்கப்பட்டார். 40ஆண்டுகளுக்குப் பிறகு ஐ.ஓ.சி வருடாந்திர கூட்டத்தை இந்தியா நடத்துவதில் நீதா முக்கிய பங்கு வகித்தார்.

ஒலிம்பிக் தொடக்க விழாவில் கலந்து கொள்வதற்காக நீதா அம்பானி தற்போது பாரிஸில் உள்ளார். நீதா தலைமையில் இந்தியா ஹவுஸ் கட்டப்பட்டுள்ளது.