Vidaamuyarchi Update: நடிகர் அஜித்தின் விடாமுயற்சி படத்தின் ரன் டைம் எவ்வளவு? வைரலாகும் சான்றிதழ்!

மகிழ் திருமேனி இயக்கத்தில் நடிகர் அஜித் குமார்- த்ரிஷா உள்ளிட்டோர் நடிப்பில் உருவாகியுள்ள திரைப்படம் விடாமுயற்சி. 

இந்தத் திரைப்படம் படப்பிடிப்பு சமயத்தில் இருந்தே பல்வேறு பிரச்சனைகளை சந்தித்து வந்ததால், படம் ரிலீஸ் ஆவதில் சிக்கல் ஏற்பட்டது. 

கடந்த ஆண்டு தீபாவளிக்கே படம் ரிலீஸ் ஆகும் என எதிர்பார்க்கப்பட்ட நிலையில், தற்போது பொங்கல் பண்டிகைக்கு ரிலீஸ் ஆகும் எனக் கூறி பின் ஏப்ரல் 10ம் தேதி ரிலீஸை அறிவித்துள்ளனர். 

இந்நிலையில், தற்போது சோசியல் மீடியா முழுவதும் விடாமுயற்சி படம் பற்றிய பேச்சு தான் அடிபட்டு வருகிறது. காரணம், விடாமுயற்சி படத்தின் தணிக்கை சான்றிதழ் வெளியானதாக பரவிய தகவல் தான். 

இந்த தணிக்கை சான்றிதழ் குறித்த அதிகாரப்பூர்வ அறிவிப்பு எதுவும் வெளியாகாத நிலையில், பலரும் இதனை ஷேர் செய்து வருகின்றனர், 

அந்த சான்றிதழின் படி, விடாமுயற்சி படத்திற்கு யுஏ சான்றிதழ் வழங்கப்பட்டுள்ளதாகவும் படத்தின் ரன் டைம் 2.30 மணி நேரமாக இருக்கும் எனவும் தெரிகிறது.