நடிகர் மோகன்லாலை சிறு பிள்ளை போல் துள்ளிக் குதிக்க வைத்த பரிசு.. அப்படி யார் கொடுத்த பரிசு அது?

மலையாள நடிகர் மோகன்லால் தன் வாழ்வில் சிறந்த தருணங்களில் ஒன்றை ஒரு பரிசின் மூலம் பெற்றதாகக் கூறி மக்களிடம் தன் மகிழ்ச்சியை பகிர்ந்துள்ளார்.

அந்தப் பதிவில் மோகன்லால் அர்ஜென்டினா கால்பந்து வீரர் லியோனல் மெஸ்ஸியிடமிருந்து பெற்ற பரிசின் வீடியோவை பகிர்ந்து தனது உற்சாகத்தை வெளிப்படுத்தினார்.

லியோனல் மெஸ்ஸி மோகன்லாலை 'லாலட்டன்' (அண்ணா) என்று அழைத்து ஜெர்சியில் கையெழுத்திட்டு அனுப்பி வைத்துள்ளார்.

இதை தன் வாழ்வில் சில தருணங்களில் ஒன்று.. இது வார்த்தைகளுக்கு அப்பாற்பட்டவை. அவை என்றென்றும் என் நினைவில் இருக்கும். அத்தகைய ஒரு தருணத்தை நான் அனுபவித்தேன் எனக் கூறியுள்ளார்.

பரிசை மெதுவாகத் திறந்தபோது, என் இதயம் படபடவென துடித்தது. இது லியோனல் மெஸ்ஸியே கையெழுத்திட்ட ஜெர்சி. என் பெயர், அவரது சொந்தக் கையால் எழுதப்பட்டது.” என்று தன் மகிழ்ச்சியை வெளிப்படுத்தியுள்ளார்.

இந்த அற்புதமான தருணம் இரண்டு அன்பான நண்பர்களின் அன்பு காரணமாக சாத்தியமானது என தன் நண்பர்களையும் இந்த முக்கிய தருணத்தில் குறிப்பிட்டு சந்தோஷத்தில் துள்ளிக் குதித்துள்ளார்.