அதிகரிக்கும் ஒலி மாசுபாடு.. இயர் பட்டில் வைக்க வேண்டிய அதிக ஒலியளவு எவ்வளவு? காதுகள் பராமரிப்பு

ஒலி மாசுபாடு காரணமாக கேட்கும் திறன் பிரச்னைகள் நாளுக்கு நாள் அதிகரித்து வருகிறது. சாலையில் செல்லும் வாகனங்களின் சத்தம் முதல், பல்வேறு இசை நிகழ்ச்சிகள், ஒலி அமைப்புகள் சத்தம் என செவித்திறனின் பாதிப்பை ஏற்படுத்தும் சூழல் அதிகரித்துள்ளது

அதிக டெசிபல் சத்தம் காதுகளுக்கு என்ன மாதிரியான விளைவை ஏற்படுத்தும் என கொல்கத்தாவில் உள்ள சிகே பிர்லா மருத்துவமனையின் மூத்த ஆலோசகர், செவித்திறன் மருத்துவர் டாக்டர் என்விகே மோகன், ஹிந்துஸ்தான் டைம்ஸ் அளித்த பேட்டியில் தெரிவித்துள்ளார்

டாக்டர் என்விகே மோகனின் கூற்றுப்படி, ‘70 டெசிபலுக்கு மேல் உள்ள சத்தங்களை நீண்ட நேரம் கேட்பது உங்கள் செவிப்புலனை நிரந்தரமாக அழிக்கக்கூடும். மறுபுறம், திடீரென்று 100 டெசிபல் சத்தத்தைக் கேட்டால் அந்த நபர் திடீரென காது கேளாதவராக மாறலாம்

சமீப காலங்களில் நகர்ப்புறங்களில் வாகனங்கள் சத்தம் 80-100 டெசிபல்களுக்கு இடையில் உள்ளது. கூடுதலாக, இசை நிகழ்ச்சிகள் அல்லது வேறு பொது நிகழ்ச்சிகளின் ஒலி அளவு 120 டெசிபல்களை தாண்டுகிறது. இதன் விளைவாக, சந்தேகத்துக்கு இடமின்றி மனிதனின் கேட்கும் திறன் கடுமையாக பாதிக்கப்படுகிறது

ஹெட்ஃபோன்கள் மற்றும் இயர்பாட்கள் போன்ற சாதனங்கள் சாதனத்தின் ஒலியை நேரடியாக காதுகுழலுக்கு வழங்குகின்றன. இது மிகவும் ஆபத்தானது என்று மருத்துவர் கூறுகிறார். ஹெட்ஃபோன்கள் அல்லது இயர்போன்களில் ஏதாவது ஒன்றைக் கேட்க விரும்பினால், ஒலியளவை 60 சதவீதத்துக்கும் குறைவாக வைத்திருக்க வேண்டும் என்பது அவரது ஆலோசனையாக உள்ளது

சாதனத்தின் அதிகபட்ச ஒலியளவின் அடிப்படையில், இந்த குறைந்த ஒலி வரம்பை அமைக்க வேண்டும். உங்கள் செவித்திறனை ஆரோக்கியமாக வைத்திருக்க, இதற்கு ஒலி அளவுக்கு மேல் எதையும் கேட்காமல் இருப்பது நல்லது

குறிப்பு: மருத்துவருடன் கருத்தின் அடிப்படையில் இந்த தகவல் பகிரப்பட்டுள்ளது. உடல் நலம் சார்ந்த ஒவ்வொரு பிரச்னைக்கும் சிகிச்சை மற்றும் குணப்படுத்தும் முறை ஒவ்வொரு நபருக்கும் வேறுபட்டதாக இருக்கும். எனவே, ஆலோசனைகளை மட்டும் நம்ப இருக்காமல், எந்தவொரு பிரச்னைக்கும் மருத்துவ நிபுணரின் ஆலோசனையை நேரில் பெறுங்கள்