Dairy Free Food Diet: எடை குறைப்பு, சரும பொலிவு..! பால் சார்ந்த பொருள்களை தவிர்த்தால் கிடைக்கும் நன்மைகள் இவைதான்

லேக்டோஸ் சகிப்புத்தன்மை அல்லது பால் சார்ந்த பொருள்களால் அலர்ஜி இருப்பவர்கள் பால் இல்லாத டயட்டை பின்பற்றுகிறார்கள். இதனால் கிடைக்கும் ஆரோக்கிய நன்மைகள் பற்றி பார்க்கலாம்

பாலில் மற்றும் அவை சார்ந்த பொருள்களில் இருக்கும் ஹார்மோன்கள் காரணமாக சருமத்தில் பாதிப்பை ஏற்படுத்தலாம். இதனால் முகப்பரு கூட ஏற்படுகிறது. எனவே இவற்றை தவிர்ப்பதால் சரும அழகையும், பொலிவையும் தக்க வைக்கலாம்

செரிமானம் சார்ந்த பிரச்னைகள் வயிறு உப்புசம், வாயு, வயிற்றுப்போக்கு போன்ற பிரச்னைகள் லாக்டோஸ் சகிப்புத்தன்மை சார்பாக ஏற்படுகிறது. எனவே இவற்றை தவிர்க்க விரும்புகிறவர்கள் பால் சார்ந்த உணவுகளையும் தவிர்க்க வேண்டும்

அதிக நிறைவுற்ற கொழுப்புகள், கலோரிகள் நிறைந்ததாக பால் சார்ந்த கொழுப்புகள் இருக்கின்றன. இதை தவிர்ப்பதன் மூலம் எடை குறைப்பும் சாத்தியமாகிறது. உடல் எடையை நிர்வகிக்க பால் சார்ந்த உணவுகளை தவிர்ப்பதன் மூலம் பலன் பெறலாம்

பால் சார்ந்த உணவில் இருக்கும் ஒரு வித புரதத்தால் சிலருக்கு வீக்கமும், அழற்சிகளும் ஏற்படுகிறது. எனவே உடலில் இருக்கும் அழற்சிகளை குறைக்க உதவுகிறது

ஒற்றை தலைவலி, தலைவலி ஏற்பட காரணமாக இருக்கும் உணவுகளில் முக்கியமானதாக பால் சார்ந்த உணவுகள் உள்ளன. எனவே இந்த பாதிப்பு இருப்பவர்கள் பால் உணவுகள் தவிர்க்கலாம்