Karthigai Month: கார்த்திகை மாதத்தில் தினமும் விளக்கு ஏற்றினால் கிடைக்கும் நன்மைகள்

கார்த்திகை மாதத்தில் தினமும் விளக்கு ஏற்றினால் ஐஸ்வர்யம் பெருகுமாம். அத்துடன், பிரிந்திருக்கும் கணவன்-மனைவி ஒன்று சேர சிவன்-பார்வதிக்கு விரதம் இருந்து வழிபட்டால் போதுமாம். அதுகுறித்த விவரங்களையும் விரிவாகப் பார்ப்போம்.

கார்த்திகை மாதம் சிறப்பு வாய்ந்த மாதங்களில் ஒன்று ஆகும். ஒவ்வொரு மாதத்திற்கு ஒவ்வொரு சிறப்புகள் இருக்கிறது. இம்மாதம் தான் மழை பொழிவு அதிகம் இருக்கும் மாதம் ஆகும்.

கார்த்திகை 1ம் தேதி மிக விஷேஷமான நாள். அந்நாளில் தான் சபரிமலை சுவாமி ஐயப்பனுக்குக் கூட மாலை அணிந்து விரத்ததை தொடங்குவார்கள்.

கார்த்திகை மாதம் முழுவதுமே நாம் விளக்கேற்றி வழிபட வேண்டும். அகநாநூறு, புறநானூறு என எந்த இலக்கிய நூல்களை எடுத்துப் பார்த்தாலும் இந்த மாத்திற்கு விளக்கிடு மாதம் என பெயர் கொடுத்திருப்பார்களாம்.

வீட்டு வாசலில் தினமும் இரண்டு விளக்குகள் ஏற்றி வைக்க வேண்டும். இதுமட்டுமல்லாமல் கார்த்திகை மாதங்களில் விரதங்கள், விஷேஷ நாட்களும் இருக்கின்றன.

கார்த்திகை மாதத்தில் வரக் கூடிய ஒவ்வொரு ஞாயிற்றுக்கிழமையும் மிக மிக விஷேஷமானது. இல்லறத்தில் மிகவும் பிரச்சனை இருந்தால், பிரிந்திருக்கும் கணவன்-மனைவி ஒன்று சேர வேண்டும் என்றால் கார்த்திகை மாதத்தில் வரும் அனைத்து ஞாயிற்றுக்கிழமைகளிலும் சிவபெருமானையும் பார்வதியையும் நினைத்து விரதம் இருந்து வழிபாடு செய்தால் நிச்சயமாக பிரிந்திருப்பவர்கள் ஒன்று சேருவார்கள்.