ஐபிஎல் 2025: ‘தல’ எம்.எஸ்.தோனியின் மின்னல் வேக ஸ்டம்ப்பிங்.. அதிர்ச்சி அடைந்த பிலிப் சால்ட்

ஃபில் சால்ட் அதிரடியாக விளையாடி வந்தார். ஆனால் மகேந்திர சிங் தோனியின் சுறுசுறுப்பான மின்னல் வேக ஸ்டம்ப்பிங் காரணமாக, பெரிய ஸ்கோரை அவரால் எட்ட முடியவில்லை. சற்றும் எதிர்பாராத சால்ட் அதிர்ச்சி அடைந்தார். மும்பைக்கு எதிரான மேட்ச்சில் சூர்யகுமார் யாதவை இதேபோன்று தான் மின்னல் வேகத்தில் ஸ்டம்ப்பிங் செய்தார்.

டாஸ் வென்ற சென்னை சூப்பர் கிங்ஸ் கேப்டன் ருதுராஜ் கெய்க்வாட் பீல்டிங்கை தேர்வு செய்தார். போட்டி சொந்த மண்ணில் நடந்தாலும், சென்னை சிதம்பரம் மைதானத்தில் இன்றைய ஆடுகளம் அவ்வளவு மெதுவாக இல்லை. சுழற்பந்து வீச்சாளர்களில், நூர் அகமது பந்துவீச்சில் வித்தையைக் காட்டினார், அதேபோல் வேகப்பந்து வீச்சாளர்கள் புதிய பந்தில் நன்றாக ஸ்விங் செய்தனர். இறுதியில் ஆர்சிபி அணி நிர்ணயிக்கப்பட்ட 20 ஓவர்களில் 7 விக்கெட் இழப்புக்கு 196 ரன்கள் எடுத்தது.

ஆனால், இந்த போட்டியில் விராட் கோலி சொதப்பினார். அவர் 30 பந்துகளில் 31 ரன்கள் மட்டுமே எடுத்தார். நூர் அகமது பந்துவீச்சில் கேட்ச் ஆனார் கோலி.

தேவ்தத் படிக்கல் இறங்கி வந்து நன்றாக விளையாடினார். இருப்பினும், அவர் 14 பந்துகளில் 27 ரன்களில் ஆட்டமிழந்தார். இருப்பினும் சென்னை அணிக்கு எதிராக கேப்டன் ரஜத் படிதார் சிறப்பான ஆட்டத்தை வெளிப்படுத்தினார். ஆர்சிபி சிப்பில் நல்ல ஸ்கோரை எட்டியது. இறுதியில், ஆர்சிபி கேப்டன் பதிரானா 32 பந்துகளில் 51 ரன்களில் ஆட்டமிழந்தார்.

லிவிங்ஸ்டோன் 9 பந்துகளில் 10 ரன்களும், ஜிதேஷ் சர்மா 6 பந்துகளில் 12 ரன்களும் எடுத்தனர். ஆப்கானிஸ்தான் சுழற்பந்து வீச்சாளர் நூர் அகமது மீண்டும் பந்தில் கவனத்தை ஈர்த்தார். அவர் 4 ஓவர்களில் 3 விக்கெட்டுகளை வீழ்த்தி 36 ரன்களை விட்டுக் கொடுத்தார். இடது கை சுழற்பந்து வீச்சாளரான இவர், முதல் போட்டியில் 4 விக்கெட்டுகளை வீழ்த்தினார். இந்த மைதானம் மற்ற மைதானங்களைப் போல 230-240 ரன்கள் வராது. எனவே சிதம்பரம் மைதானத்தில் 180-190 ரன்கள் கூட நல்ல ஸ்கோராக கருதப்படுகிறது. இறுதியில், டிம் டேவிட் 8 பந்துகளில் 22 ரன்கள் எடுத்தார், ஆர்சிபியை 196 ரன்களுக்கு கொண்டு வந்தது. சிஎஸ்கேவின் இலக்கு 197 ரன்கள்.