IND vs ENG: லீட்ஸ் டெஸ்டில் ரிஷப் பந்த் படைத்த சாதனைகள் விவரங்கள் இதோ
இங்கிலாந்துக்கு எதிரான லீட்ஸ் டெஸ்டில், ரிஷப் பண்ட் முதல் இன்னிங்ஸில் 134 ரன்களும், இரண்டாவது இன்னிங்ஸில் 118 ரன்களும் எடுத்துள்ளார். இந்த இன்னிங்ஸ் மூலம், அவர் பல சாதனைகளை பதிவு செய்துள்ளார்.
(1 / 5)
அதிக சதங்கள் அடித்த இந்திய விக்கெட் கீப்பர் - லீட்ஸ் டெஸ்டின் இரண்டு இன்னிங்சிலும் ஒரு சதத்துடன் ரிஷப் பண்ட் தனது டெஸ்ட் வாழ்க்கையில் 8 சதங்களை அடித்துள்ளார். இதன் மூலம் டெஸ்ட் போட்டிகளில் அதிக சதங்கள் அடித்த இந்திய விக்கெட் கீப்பர் பேட்ஸ்மேன் என்ற பெருமையை பெற்றுள்ளார். மகேந்திர சிங் தோனியின் 6 சதங்களின் சாதனையை அவர் முறியடித்துள்ளார். அதுமட்டுமின்றி, இங்கிலாந்துக்கு எதிராக அதிக சதங்கள் அடித்த ஆசிய விக்கெட் கீப்பர் என்ற சாதனையையும் அவர் படைத்துள்ளார். டெஸ்ட் போட்டியின் இரண்டு இன்னிங்சிலும் சதம் அடித்த 7-வது இந்திய வீரர் என்ற பெருமையை பெற்றார். முன்னதாக, விஜய் ஹராரே, சுனில் கவாஸ்கர், ராகுல் டிராவிட், விராட் கோலி, அஜிங்க்யா ரஹானே மற்றும் ரோஹித் சர்மா ஆகியோர் இந்த சாதனையை செய்துள்ளனர்.(Action Images via Reuters)
(2 / 5)
இந்திய விக்கெட் கீப்பர் ரிஷப் பண்ட் முதல் இன்னிங்சில் 6 சிக்ஸர்கள் அடித்து 134 ரன்கள் குவித்து சாதனை படைத்தார். இரண்டாவது இன்னிங்ஸிலும் 3 சிக்ஸர்கள் அடித்தார். அந்த வகையில் அவரது டெஸ்ட் போட்டியில் சிக்ஸர்களின் எண்ணிக்கை 82 ஆக உயர்ந்துள்ளது. டெஸ்ட் போட்டியில் ஒரு இந்திய விக்கெட் கீப்பர் பேட்ஸ்மேன் அடித்த அதிகபட்ச சிக்ஸர்கள் என்ற சாதனை இதுவாகும்.(Action Images via Reuters)
(3 / 5)
தென்னாப்பிரிக்கா, இங்கிலாந்து, நியூசிலாந்து, ஆஸ்திரேலியா ஆகிய நாடுகளில் அதிக சிக்ஸர்கள் அடித்த ஆசிய வீரர் என்ற சாதனையை ரிஷப் பண்ட் படைத்துள்ளார். இதுவரை செனா நாடுகளில் மொத்தம் 34 சிக்ஸர்களை அடித்துள்ளார்.
(AP)
(4 / 5)
134 ரன்கள் குவித்த ரிஷப் பண்ட் 6 அபாரமான சிக்ஸர்களை விளாசினார். இரண்டாவது இன்னிங்சில் 118 ரன்கள் எடுத்த போது, 3 சிக்ஸர்களை விளாசினார். அந்த வகையில் லீட்ஸ் டெஸ்டில் மொத்தம் 9 சிக்ஸர்களை விளாசினார். இங்கிலாந்து மண்ணில் எந்த ஒரு பேட்ஸ்மேனும் அடித்த அதிகபட்ச சிக்ஸர்கள் இதுவாகும்.(AP)
(5 / 5)
இங்கிலாந்தில் அதிக சதங்கள் அடித்த இங்கிலாந்து அல்லாத விக்கெட் கீப்பர் பேட்ஸ்மேன் - இரண்டாவது இன்னிங்ஸில் ரிஷப் பந்தின் சதம் இங்கிலாந்தில் ஒட்டுமொத்தமாக அவரது நான்காவது டெஸ்ட் சதமாகும். இங்கிலாந்தில் சுற்றுப்பயணம் மேற்கொண்ட ஒரு அணியின் விக்கெட் கீப்பர் பேட்ஸ்மேன் எடுத்த டெஸ்ட் சதம் இதுவாகும்.
(AP)
மணிகண்டன், சீனியர் கன்டென்ட் ப்ரொடியூசராக இந்துஸ்தான் டைம்ஸ் தமிழில் பணிபுரிகிறார். அச்சு ஊடகம், மொழிபெயர்ப்பு துறை மற்றும் டிஜிட்டல் ஊடகம் என 10 + ஆண்டுகள் அனுபவம் கொண்டவர். தேசம், சர்வதேசம், கிரிக்கெட், விளையாட்டு உள்ளிட்ட பிரிவுகளில் இந்துஸ்தான் டைம்ஸ் தமிழில் செய்திகளை எழுதி வருகிறார். மெட்ராஸ் யுனிவர்சிட்டியில் பிஎஸ்சி விஷுவல் கம்யூனிகேஷன், அண்ணாமலை யுனிவர்சிட்டியில் எம்.ஏ. அரசியல் அறிவியல் மற்றும் டிப்ளமோ ஜர்னலிசம் படித்துள்ள இவர், தினமணி நாளிதழ், நியூஸ் 7 தமிழ் ஆகிய நிறுவனங்களைத் தொடர்ந்து 2023 ஜனவரி முதல் இந்துஸ்தான் டைம்ஸ் தமிழ் நிறுவனத்தில் பணிபுரிந்து வருகிறார்.
மற்ற கேலரிக்கள்