Vikram Prabhu Birthday:கும்கி நாயகன் விக்ரம் பிரபுவின் பிறந்தநாள் இன்று.. அவரைப் பற்றி இதெல்லாம் தெரியுமா?

விக்ரம் பிரபுவை இங்கு பலருக்கும் சிவாஜி கணேசனின் பேரனாகவும், பிரபுவின் மகனாகவும் தனக்கு உள்ள அடையாளத்தை பயன்படுத்தி வந்தார் என்றே நினைத்துள்ளனர். 

ஆனால் விக்ரம் பிரபு சந்திரமுகி படத்தின் படப்பிடிப்பு காலகட்டத்தில் இருந்தே சினிமாவில் இருந்து வருகிறார். லண்டனில் படித்துக் கொண்டிருந்த இவர் சந்திரமுகி படத்திற்காக இந்தியா திரும்பியுள்ளார். 
 

பின் அவர், சர்வம் படத்தில் உதவி தயாரிப்பாளராக இருந்தவர்  பிரபு சாலமனின் கும்கி படத்தின் மூலம் நடிகரானார். இந்தப் படத்திற்காக சிறந்த நடிகன் என்ற தமிழ்நாடு அரசின் விருதையும் பெற்றார். 

இதைத் தொடர்ந்து அவர் அரிமா நம்பி, சிகரம் தொடு, வெள்ளைக்கார துரை, இது என்ன மாயம் என அடுத்தடுத்த படங்களில் நடிக்கத் தொடங்கினார். 

இவரது படங்கள் சில பெரிதாக மக்கள் மத்தியில் வரவேற்பு பெறாத நிலையில், இறுகப் பற்று எனும் படத்தில் அவரது கதாப்பாத்திரம் மிகவும் பேசப்பட்டது. 

இவர் கடந்த 2016ம் ஆண்டு ஃபர்ட்ஸ் ஆர்டிஸ்ட் எனும் தயாரிப்பு நிறுவனத்தையும் தொடங்கியது குறிப்பிடத்தக்கது.