Cooking Oil: உடம்புக்கு ஏற்ற.. கொழுப்பினைக் குறைக்கும் சமையல் எண்ணெய்கள் இதுதான்!
- Cooking Oil: உடம்புக்கு எது நல்லது என்ற வகையில் கொலஸ்ட்ராலைக் கட்டுப்படுத்தும் சமையல் எண்ணெய்கள் குறித்துக் காண்போம்.
- Cooking Oil: உடம்புக்கு எது நல்லது என்ற வகையில் கொலஸ்ட்ராலைக் கட்டுப்படுத்தும் சமையல் எண்ணெய்கள் குறித்துக் காண்போம்.
(1 / 6)
Cooking Oil: சமீப காலங்களில் வாழ்க்கை முறை மாற்றப் பிரச்னைகள் அதிகரித்துள்ளன. ஒவ்வொரு வீட்டிலும், நீரிழிவு, ரத்த அழுத்தம், உடல் பருமன் போன்ற பிரச்னைகளால் பாதிக்கப்பட்டவர்களை நீங்கள் காணலாம். இதற்கிடையில் சமீப காலமாக கொலஸ்ட்ரால் பிரச்னையும் அதிகரித்துள்ளது. கொலஸ்ட்ரால் பிரச்னைக்கு வாழ்க்கை முறை சரியின்மையும் முக்கியக் காரணம்.
உடலில் கெட்ட கொலஸ்ட்ரால் அளவு அதிகரிக்கும்போது, ரத்த நாளங்கள் அடைக்கத் தொடங்குகின்றன. இது இதய நோய்களின் அபாயத்தை அதிகரிக்கிறது. கொலஸ்ட்ரால் அளவைக் கட்டுப்படுத்துவதில் உணவு மிக முக்கியப்பங்கு வகிக்கிறது. குறிப்பாக வறுத்த உணவுகளை சாப்பிடுவதைக் கண்டிப்பாக தவிர்க்க வேண்டும். எண்ணெய் பயன்படுத்தாமல் சமைக்க முடியாது. ஆகையால், கொலஸ்ட்ராலைக் கட்டுப்படுத்தும் சமையல் எண்ணெயைப் பயன்படுத்துவது உடலுக்கு நன்மை பயக்கும். இதய ஆரோக்கியத்தைப் பராமரிக்கும் எண்ணெய் குறித்துப் பார்ப்போம்.
(2 / 6)
கடலை எண்ணெய்:
கடலை எண்ணெய், வேர்க்கடலையின் செடியின் விதைகளில் இருந்து தயாரிக்கப்படும் தாவர எண்ணெய் இது ஆகும். இது ஆரோக்கியத்திற்கு மிகவும் நன்மை பயக்கும். ஆன்டிசெப்டிக், முகத்தில் சுருக்கம், ஆன்டிஸ்பாஸ்மோடிக் பண்புகள் வேர்க்கடலை எண்ணெயில் காணப்படுகின்றன.
இது இதய நோயாளிகளுக்கு மிகவும் நல்லது என்று கருதப்படுகிறது. குளிர்காலத்தில், பெரும்பாலான எண்ணெய்கள் உறையத் தொடங்குகின்றன. ஆனால், வேர்க்கடலை எண்ணெய், அதாவது கடலை எண்ணெய் அப்படியே இருக்கிறது. எனவே குளிர்காலத்தில் இதை சாப்பிடுவது மிகவும் நன்மை பயக்கும். உடலை சூடாக வைத்திருப்பதைத் தவிர, ஊட்டச்சத்தையும் வழங்குகிறது. மேலும், இது உடலில் உள்ள கெட்ட கொழுப்பைக் குறைக்க உதவுகிறது.
(3 / 6)
நல்லெண்ணெய்:
நல்லெண்ணெயை எடுத்துக்கொள்வது இதய நோயாளிகளுக்கும் அதிக கொழுப்பு உள்ளவர்களுக்கும் மிகவும் நன்மை பயக்கும். நல்லெண்ணெயில் நிறைவுறா கொழுப்புகள், மோனோசாச்சுரேட்டட் மற்றும் பாலிஅன்சாச்சுரேட்டட் கொழுப்புகள் காணப்படுகின்றன. இது ஒட்டுமொத்த இதய ஆரோக்கியத்திற்கு மிகவும் நன்மை பயக்கும். வெள்ளை அல்லது கருப்பு எள்ளின் எண்ணெயை உட்கொள்ளலாம். குளிர்காலத்தில் நல்லெண்ணெய் பயன்படுத்துவது உடலை சூடாக வைத்திருக்க உதவுகிறது. அதேநேரம் நல்லெண்ணெய் உடலின் சூட்டைத் தணிக்கவும் உதவுகிறது.
(4 / 6)
ஆலிவ் எண்ணெய்:
ஆலிவ் எண்ணெய், ஆரோக்கியத்திற்கு மிகவும் நன்மை பயக்கும். ஆலிவ் எண்ணெய், ஆலிவ் மரத்தின் விதைகளில் இருந்து தயாரிக்கப்படுகிறது. இது தோல், முடி பராமரிப்பு மற்றும் ஒட்டுமொத்த ஆரோக்கியத்திற்கு மிகவும் நல்லது. ஆலிவ் எண்ணெயில் ஆரோக்கியமான கொழுப்புகள் நிறைந்துள்ளன. அவை உடலின் ஒவ்வொரு உறுப்புக்கும் நன்மை பயக்கும். ஆலிவ் எண்ணெயை உணவில் பயன்படுத்துவதால் உடலில் உள்ள கெட்ட கொலஸ்ட்ரால் குறைந்து இதய ஆரோக்கியத்தை நன்றாக வைத்திருக்கிறது.
(5 / 6)
அவகேடோ எண்ணெய்:
அவகேடோ(வெண்ணெய்) எண்ணெய் இதய நோயாளிகளுக்கும் மிகவும் நன்மை பயக்கும். இது நோய் எதிர்ப்புப் பண்புகளால் நிரம்பியுள்ளது. அவகேடோ எண்ணெய் இதயத்தை பலப்படுத்துகிறது.
இந்த எண்ணெயில் லுடீன் போன்ற ஆரோக்கியமான நோய் எதிர்ப்புப் பண்புகள் உள்ளன. இது ஆரோக்கியத்திற்கு மட்டுமல்ல, கண்களுக்கும் மிகவும் நன்மை பயக்கும். அதிகரித்த கொலஸ்ட்ராலைக் கட்டுக்குள் வைத்திருக்க அவகேடோ எண்ணெயைப் பயன்படுத்தலாம். இருப்பினும், இந்த எண்ணெய் சற்று விலை உயர்ந்தது. எனவே ஒவ்வொரு நாளும் இதைப் பயன்படுத்துவது சாமானிய மக்களுக்கு சாத்தியமில்லை.
மற்ற கேலரிக்கள்