Tender Coconut: தினமும் இளநீர் குடிப்பதால் இத்தனை நன்மைகள் கிடைக்குமா?

வெளியின் தாக்கத்தினால் ஏற்படும் உடல் சூட்டைத் தணிப்பதில் முதல் பொருளாக இருக்கிறது இளநீர். தினமும் இளநீர் குடிப்பதால் கிடைக்கும் நன்மைகள் என்னென்ன என்பதை பற்றி தெரிந்துகொள்வோம்.

தாகத்தை தணித்து உடலுக்கு புதுவித புத்துணர்ச்சி அளிக்கிறது. இளநீரில் பொட்டாசியம், சோடியம், கால்சியம், பாஸ்பரஸ், கந்தகம் போன்ற தாதுக்களும் ஏ,சி,கே உள்ளிட்ட சத்துக்களும் அதிகமாக இருக்கின்றன.

உடலில் உள்ள கெட்ட நீரை வெளியேற்றும். கெட்ட கொழுப்புகளை கரைக்கும் ஆற்றல் கொண்டது.

இளநீரில் அமினோ அமிலங்கள், என்சைம்கள், நார்சத்துக்கள், வைட்டமின் சி மற்றும் பொட்டாசியம் போன்ற கனிமங்கள் அதிக அளவு இருப்பதால், வயிற்றுப் போக்கினால் ஏற்படும் எலெக்ட்ரோலைட் குறைபாட்டை நீக்க உதவும்.

இளநீரில் குறைந்த அளவே கொழுப்பு இருக்கிறது. எனவே அதனை பருகும் போது வயிறு நிறைந்து போகும். இதனால் அதிக அளவு தேவையில்லாத உணவுகளை எடுத்துக்கொள்வது தவிர்க்கப்பட்டு உடல் எடையை குறைக்க உதவுகிறது.

சர்க்கரை நோயாளிகளுக்கு தேவையான ஊட்டச் சத்துக்கள் இளநீரில் அதிகம் உள்ளது. இரத்தத்தில் உள்ள சர்க்கரையின் அளவை கட்டுப்பாட்டில்  வைக்க  உதவுகிறது.

பொட்டாசியம் மற்றும் மெக்னீசியம் போன்ற கனிமங்கள் இளநீரில் அதிகம் இருப்பதால், சிறுநீரகத்தில் கற்கள் வளர்வதை தடுக்கிறது. சிறுநீரகம் தொடர்பான அனைத்துப் பிரச்னைகளுக்கும் சிறந்த மருந்து இளநீர் தான்.

பருக்கள், புள்ளிகள், சுருக்கங்கள் மற்றும் படை ஏற்பட்ட சருமங்களில் இரவில் இளநீரை தடவி காலையில் நன்கு கழுவ வேண்டும். இதை தொடர்ச்சியாக 3 வாரங்கள் செய்தால் தோல் சம்பந்தப்பட்ட பிரச்சனைகளில் இருந்து விடுபடலாம்.