Most Successful IPL Captain: சிறந்த கேப்டன்கள் பட்டியலில் தோனியை முந்திய ஹர்திக் பாண்டியா

ஐபிஎல் தொடரில் அதிக வெற்றி சதவீதம் பெற்ற கேப்டன்கள் பட்டியல் வெளியிடப்பட்டுள்ளது. இதில் குறைந்தது 20 போட்டிகளுக்கு கேப்டனாக இருந்த வீரர்களில் தோனி மற்றும் ரோகித் சர்மாவை முந்தியுள்ளார் குஜராத் அணி கேப்டன் ஹர்திக் பாண்டியா

குஜராத் டைட்டன்ஸ் அணியின் கேப்டன் ஹர்திக் பாண்டியா 75 சதவீத வெற்றி விகிதத்துடன் முதலிடத்தில் உள்ளார். ஹர்திக் தலைமையிலான குஜராத் அணி 21 போட்டிகளில் 15 வெற்றிகளையும் 5 தோல்விகளையும் கண்டுள்ளது.

217 போட்டிகளில் 128 போட்டிகளில் வெற்றியையும், 88 போட்டிகளில் தோல்வியும் பெற்று சென்னை சூப்பர் கிங்ஸ் அணியின் கேப்டன் தோனி 58.99 சதவீத வெற்றிகளுடன் இரண்டாவது இடத்தில் உள்ளார்.

அதிக ஐபிஎல் கோப்பைகளை வென்ற மும்பை இந்தியன்ஸ் கேப்டன் ரோஹித் சர்மா, டாப்-5 இல் கூட இல்லை. 149 போட்டிகளில் 83 வெற்றி, 65 தோல்விகளுடன் எட்டாவது இடத்தில் உள்ளார்.

இந்த பட்டியலில் 58.82% வெற்றிகளுடன் சச்சின் டெண்டுல்கர் 3வது இடத்தில் உள்ளார். ரோஹித் சர்மாவின் வெற்றி சதவீதம் 56.08 ஆகும். 

சச்சினுக்குப் பிறகு ஸ்டீவ் ஸ்மித், அனில் கும்ப்ளே, ரிஷப் பந்த், ஷேன் வார்னே ஆகியோர் இடம் பெற்றுள்ளனர், அவர்களுக்குப் பிறகு ரோஹித் சர்மா இடம் பெற்றுள்ளார்.

ஐபிஎல் தொடரின் வெற்றிகரமான கேப்டன்களின் பட்டியல் இதோ