Fathers Day Songs: உனக்கென்ன வேணும் சொல்லு.. தமிழ் சினிமா போற்றும் அப்பா - மகள் பாடல்கள்!

தந்தைக்கு ஒரு மகளின் சிறப்பு என்ன என்பதை தங்க மீன்கள் படத்தில் வரும் ஆனந்த யாழை பாடல் சிறப்பாக சித்தரிக்கிறது. ஸ்ரீராம் பார்த்தசாரதியின் குரலிலும், நா. முத்துக்குமாரின் வரிகளிலும் இந்தப் பாடல் ஒவ்வொரு பெற்றோரின் கண்களிலும் கண்ணீரை வர வைக்கும்.

என்னை அறிந்தால் படத்தில் உனக்கென்ன வேணும் சொல்லு என அப்பா தன் மகளை பார்த்து பாடும் பாடல் மாயாஜாலம் ஏற்படுத்தும். தாமரையின் பாடல் வரிகள் உணர்வுகளை கச்சிதமாக வெளிப்படுத்தும்.

இமான் இசையில் தாமரை வரிகளில் வெளியான பாடல், கண்ணான கண்ணே. சிறந்த மெலோடியாக தேர்வான இந்த பாடல் தமிழ் ரசிகர்களின் இல்லங்களில் ஒளிபரப்பானது. சித் ஸ்ரீராம் குரலில் வெளியான இந்த பாடல் பலரின் கண்களில் நீர் வர வைத்தது.

அபியும் நானும் படத்தில் வா வா என் தேவதை பாடல் பெரும் வெற்றி பெற்றது. மது பாலகிருஷ்ணன் பாடிய இப்பாடலுக்கு வித்யாசாகர் இசையமைத்துள்ளார்.

2011 ஆம் ஆண்டு வெளிவந்த தெய்வ திருமகள் திரைப்படத்தின் இந்தப் ஆரிரோ பாடல் பெரும் வெற்றி பெற்றது. இந்தப் பாடலுக்கு ஜி.வி.பிரகாஷ் குமார் இசையமைத்துள்ளார். இந்த பாடலை நா. முத்துக்குமார் எழுதினார்.