இங்கிலாந்து வீரர் மார்க் வுட்டுக்கு முழங்காலில் அறுவை சிகிச்சை.. 4 மாதங்கள் கிரிக்கெட்டில் இருந்து விலகல்

இங்கிலாந்து கிரிக்கெட் அணி பெரும் பின்னடைவை சந்தித்துள்ளது. இந்தியாவுக்கு எதிரான டெஸ்ட் தொடரில் மார்க் வுட் விளையாட முடியாது. இந்த வாரம் தனது இடது காலில் அறுவை சிகிச்சை செய்த பின்னர் இங்கிலாந்து வேகப்பந்து வீச்சாளர் நான்கு மாதங்களுக்கு விளையாட மாட்டார். தற்போதைய நிலவரப்படி, ஜூன் மாதம் தொடங்கும் டெஸ்ட் தொடரின் தொடக்கத்தில் அவரால் விளையாட முடியாது, நான்காவது அல்லது ஐந்தாவது டெஸ்டில் கூட, அவரது ஆட்டம் குறித்து ஒரு பெரிய கேள்விக்குறி உள்ளது.

35 வயதான இங்கிலாந்து வேகப்பந்து வீச்சாளருக்கு இடது காலில் பெரிய தசைநார் காயம் ஏற்பட்டுள்ளது என தெரிகிறது. அதனால்தான் அவரால் விளையாட முடியவில்லை. அவர் இதற்கு முன்பு காயத்துடன் விளையாடி வந்தார். இங்கிலாந்து அணிக்காக சாம்பியன்ஸ் டிராபியில் இந்த பிரச்சனையுடன் விளையாட வந்தார்.

ஆப்கானிஸ்தானுக்கு எதிரான இங்கிலாந்து போட்டியின் நாளில் மார்க் உட் களத்தை விட்டு வெளியேறினார். இங்கிலாந்தில் இந்த வேகப்பந்து வீச்சாளர் இல்லாததை ஜோஸ் பட்லர் அணி உணர்ந்தது. அவர் இல்லாததை ஆப்கான் பேட்ஸ்மேன்கள் பயன்படுத்தினர். பின்னர் ஆப்கனுக்கு எதிரான அந்த போட்டியில் இங்கிலாந்து தோல்வியடைந்தது.

வேகப்பந்து வீச்சாளர் மார்க் வுட் தற்போதைக்கு இங்கிலாந்து கிரிக்கெட் வாரியத்தின் மருத்துவ குழுவுடன் தொடர்பில் இருப்பார் என்று அறியப்படுகிறது. எதிர்காலத்தில் அதே பகுதியில் அவர் காயமடையாமல் இருக்க அவரது காயத்தை எவ்வாறு சரிசெய்வது என்பதை மருத்துவக் குழு தீர்மானிக்கும்.

இதுகுறித்து மார்க் உட் கூறுகையில், "கடந்த ஆண்டு முதல் அனைத்து வடிவங்களிலும் இங்கிலாந்தை பிரதிநிதித்துவப்படுத்தியுள்ளேன், நீண்ட காலமாக வெளியே இருப்பதற்கு வருந்துகிறேன். ஆனால் முழங்கால் பிரச்சனையில் இருந்து மீண்டு மீண்டும் பழைய நிலைக்கு வருவேன் என்ற நம்பிக்கை உள்ளது. இந்த நேரத்தில் என் பக்கத்தில் இருந்த அறுவை சிகிச்சை நிபுணர்கள், ஊழியர்கள், அணி வீரர்கள் மற்றும் பயிற்சியாளர்களுக்கு நன்றி தெரிவிக்க விரும்புகிறேன். விரைவில் அணிக்காக பங்களிக்க முயற்சிப்பேன்" என்றார்.