Money Luck: மேஷம் முதல் மீனம் வரை! பணம் சம்பாதிக்க ஆசையே வராத நிலை யாருக்கு உண்டாகும்? ஜோதிட ரகசியம் இதோ!

உத்யோகம் புருஷ லட்சணம் என்ற காலம் மாறி, உத்யோகம் மனுஷ லட்சணம் என்ற நிலைக்கு வந்துவிட்டது. 

எதை ஒன்றை செய்வதாக இருந்தாலும், லக்னாதிபதியின் வலு என்பது மிக அவசியம், லக்னாதிபதி சமம் என்ற நிலைக்கு கீழே செல்லவே கூடாது. அப்படி அவர் சென்றுவிட்டாலே ஜாதகர் பெரிய முயற்சிகளை செய்ய முடியாது. 

லக்னாதிபதி கெட்டுவிட்ட நிலையில், ராசி அதிபதி துணை இருப்பது அவசியம்.

லக்னாதிபதி பலகீனமாக இருப்பது, லக்னத்தில் பகை கிரகங்கள் இருப்பதும் சம்பாதிக்கும் எண்ணத்தை குறைத்துவிடும். 

செயல்படும் ஸ்தானமான மூன்றாம் இடம் பலவீனமாக இருந்தால் சோம்பேறிதனம் இயற்கையில் வந்துவிடும். ஒன்று, இரண்டு, மூன்று வீடுகளும் கெட்டுவிட்ட ஒரு ஜாதகத்திற்கு சம்பாதிக்கும் ஆசையே வராது. 

உங்கள் லக்னத்திற்கு ஒன்று, இரண்டு, மூன்றாம் இடங்கள் மிக கடுமையாக பாதிக்கப்பட்டு இருந்தால், சம்பாதிக்கும் எண்ணம் வராது. 

லக்னாதிபதி சமம் என்ற நிலைக்கு கீழே செல்லும் போது, தன ஸ்தானம் அல்லது தனாதிபதி பலவீனம் பெறுதல், முயற்சி ஸ்தானம் எனப்படும் மூன்றாம் இடம் பாதிக்கப்பட்டிருக்கும் போதும் சம்பாதிக்கும் எண்ணம் வராது. 

ஆனால் பூர்வ புண்ணிய ஸ்தானம் நன்றாக இருந்து, பாக்கிய ஸ்தானம் நன்றாக இருந்தால், வேறு ஏதேனும் வழிகளில் ஜாதகரால் வருவாய் ஈட்ட முடியும்.