Sex and Salt: ’படுக்கையில் சுறுசுறுப்பாக இருக்க உப்பைக் குறைக்கணும் தெரியுமா?’: மருத்துவர் சொல்வது என்ன?

உப்பு தினசரி உணவின் ஒரு பகுதியாகும். உப்பு சாப்பிடுவதில் சில தீய அம்சங்களும், சில தேவைகளும் உள்ளன. குறிப்பாக உடலில் உப்பு குறைவாக இருந்தால், பல்வேறு பிரச்னைகள் ஏற்படலாம். எனவே உப்பு சாப்பிடுவதை முற்றிலுமாக நிறுத்த முடியாது. ஆனால் உப்பு செக்ஸ் வாழ்க்கையை பாதிக்குமா? டாக்டர் என்ன சொல்கிறார்?. வாருங்கள் பார்ப்போம்.

சமீபத்தில் , டாக்டர் ஆஸ்தா தயாளிடம் பாலியல் ஆரோக்கியம் குறித்து கேட்கப்பட்டது. உப்பு நிச்சயமாக பாலியல் வாழ்க்கையுடன் தொடர்புடையது என்று அவர் கூறினார். உப்பு பாலியல் வாழ்க்கையை எவ்வாறு பாதிக்கிறது என்பதையும் அவர் விளக்கினார்.  

இரத்த அழுத்தத்தைக் குறைக்கிறது: உப்பு உட்கொள்ளலைக் குறைப்பது இரத்த அழுத்தத்தைக் குறைக்கிறது. இரத்த அழுத்தம் அதிகமாக இருந்தால், ஆண் பிறப்புறுப்புகளுக்கு இரத்த ஓட்டத்தில் சிக்கல் வரும். இரத்த அழுத்தத்தைக் குறைப்பது அந்த சிக்கலைக் குறைக்கும். உப்பினைக் குறைத்து, ரத்த அழுத்தத்தைக் குறைத்தால் செக்ஸ் வாழ்க்கை சிறக்கும். 

தமனிகளின் கொள்ளளவை அதிகரிக்கிறது: உப்பு உட்கொள்ளலைக் குறைப்பது தமனிகள் வழியாக இரத்த ஓட்டத்தை அதிகரிக்கிறது. மருத்துவ அறிவியலில் 'தமனி விறைப்பு' என்று இது அழைக்கப்படும். தமனி விறைப்பு பிரச்னை உப்பை அதிகமாக எடுக்கும்போது வருகிறது. எனவே, உப்பினை குறைவாக எடுப்பது பாலியல் வாழ்க்கையை ஆரோக்கியமாக மாற்ற உதவுகிறது.  

நைட்ரிக் ஆக்சைடு உற்பத்தி எளிதானது: குறைந்த உப்பு சாப்பிடுவது எண்டோடெலியல் செயலிழப்பின் அளவைக் குறைக்கிறது. இது நைட்ரிக் ஆக்சைடு உற்பத்தியை அதிகரிக்கிறது. இதன் விளைவாக, இரத்த ஓட்டம் நன்றாக இருக்கும். இது பாலியல் வாழ்க்கையை சுவாரஸ்யமாக்குகிறது.  

ஒட்டுமொத்தமாக, குறைந்த உப்பு சாப்பிடுவது பாலியல் வாழ்க்கையை ஆரோக்கியமாக்குகிறது என்பதில் சந்தேகமில்லை. நிபுணர்கள் சொல்வது இதுதான். எவ்வாறாயினும், எவ்வளவு உப்பு சாப்பிட வேண்டும், எவ்வளவு குறைக்க வேண்டும் – இவை அனைத்தையும் மருத்துவரிடம் அறிந்த பின்னரே முடிவுசெய்யவேண்டும்.