கலக்கும் செஸ் ஒலிம்பியாட் 2022: விழாக்கோலம் பூண்டுள்ள சென்னை!

Jul 28, 2022 11:43 AM IST Karthikeyan S

Jul 28, 2022 11:43 AM , IST

44-வது செஸ் ஒலிம்பியாட் போட்டிகள் இன்று (ஜூலை 28) கோலாகலமாக தொடங்க இருக்கின்றன. இதையொட்டி சென்னை முதல் மாமல்லபுரம் வரை விழாக்கோலம் பூண்டுள்ளன.

(1 / 10)

சென்னை நேப்பியர் பாலம் முதல் மாமல்லபுரம் பூஞ்சேரி பகுதி வரையிலான வழித்தடத்தில் உள்ள கருப்பு, வெள்ளை பெயின்டிங் மற்றும் ஓவியங்கள், பதாகைள் அனைவரையும் வரவேற்கும் வகையில் அமைந்துள்ளன.

(2 / 10)

செஸ் ஒலிம்பியாட் போட்டிகளுக்காக மாமல்லபுரம் அருகே பூஞ்சேரியில் 22 ஆயிரம் சதுர அடியில் ஓர் அரங்கமும், 52 ஆயிரம் சதுர அடியில் பிரமாண்டமான மற்றொரு அரங்கமும் அமைக்கப்பட்டுள்ளன.

(3 / 10)

இந்தியாவில் முதல் முறையாக செஸ் ஒலிம்பியாட் போட்டி நடைபெற உள்ளது. இதில் மொத்தம் 187 நாடுகளில் இருந்து 2,100 வீரர், வீராங்கனைகள் பங்கேற்க உள்ளனர்.

(4 / 10)

செஸ் ஒலிம்பியாட் தொடரையொட்டி மாமல்லபுரம் நுழைவு வாயிலில் 45 அடி உயரத்தில் கலைநயத்துடன் அமைக்கப்பட்டுள்ள சிற்பக்கலை தூண்.

(5 / 10)

செஸ் போர்ட் வடிவில் மிளிரும் முன்னாள் முதல்வர் கருணாநிதி நினைவிடம்.

(6 / 10)

மாமல்லபுரத்தில் செஸ் ஒலிம்பியாட் போட்டி நடைபெறும் அரங்கம் முழுவதுமே அதிவேக 5ஜி இண்டர்நெட் சேவை கொடுக்கப்பட உள்ளது.

(7 / 10)

தமிழகத்தின் பாரம்பரியத்தை எடுத்துரைக்கும் விதமாக, வேட்டி அணிந்து வணக்கத்துடன் அனைவரையும் வரவேற்கும் செஸ் போட்டிக்கான சின்னமான ‘தம்பி’ உருவம் முக்கிய இடங்களில் அமைக்கப்பட்டுள்ளது.

(8 / 10)

விமானம், மெட்ரோ இரயில், பேருந்து, ஆட்டோ உள்ளிட்ட போக்குவரத்திற்கான வாகனங்களிலும் செஸ் போட்டிக்கான விளம்பரங்கள் இடம்பெற்றுள்ளன.

(9 / 10)

சர்வதேச விளையாட்டு வீரர்களை வரவேற்க அமைக்கப்பட்டுள்ள 'தம்பி குடும்பம்'.

(10 / 10)

இந்தியாவைச் சேர்ந்த ஓபன் பிரிவில் 3 அணியும், பெண்கள் பிரிவில் 2 அணியும் மொத்தம் 5 அணிகள் என 25 பேர் களமிறங்குகின்றனர். இந்திய அணிகளில் பிரக்ஞானந்தா, வைஷாலி, சசிகரண், அதிபன், குகேஷ், கார்த்திகேயன், சேதுராமன் ஆகிய 7 தமிழர்கள் இடம் பெற்றுள்ளனர்.

மற்ற கேலரிக்கள்