வகையினம்

தமிழ் செய்திகள் / புகைப்பட தொகுப்பு / ஒரே சார்ஜிங்கில் 80 கிமீ பயணம்.. ஹோண்டாவின் புதிய எலெக்ட்ரிக் வாகனம்! ஹோண்டா Qc1 விலை, சிறப்பு அம்சங்கள் மற்றும் பல

ஒரே சார்ஜிங்கில் 80 கிமீ பயணம்.. ஹோண்டாவின் புதிய எலெக்ட்ரிக் வாகனம்! ஹோண்டா QC1 விலை, சிறப்பு அம்சங்கள் மற்றும் பல

Published May 06, 2025 06:30 PM IST Muthu Vinayagam Kosalairaman

Published May 06, 2025 06:30 PM IST

Muthu Vinayagam Kosalairaman

ஹோண்டா நிறுவனம் ஹோண்டா QC1 (QCI EV) என்ற மின்சார இரு சக்கர வாகனத்தை அறிமுகப்படுத்தியுள்ளது. இதிலுள்ள சிறப்பு அம்சங்கள், விலை, மைலேஜ் போன்ற விஷயங்கள் பற்றி தெரிந்து கொள்ளலாம்

(1 / 8)

ஆட்டோமொபைல் சந்தையில் ஹோண்டா மோட்டார் நிறுவனம் அதிக நுகர்வோர்களை கொண்டதாக இருந்து வருகிறது. இந்த நிறுவனத்தின் மின்சாரத்தில் இயங்கும் இரு சக்கர வாகனத்தை சந்தையில் அறிமுகப்படுத்தியுள்ளது, அதிக மக்களால் விரும்பக்கூடிய இருசக்கர வாகனமாக இருந்து வரும் ஹோண்டா ஆக்டிவாவின் ஜெராக்ஸ் போல் இருக்கும் இந்த மின்சார வாகனம் ஹோண்டா QC1 என்ற பெயரில் களமிறக்கப்பட்டுள்ளது

(2 / 8)

புதிதாக அறிமுகப்படுத்தப்பட்டிருக்கும் ஹோண்டா QC1, இ-ஸ்கூட்டரின் விலை ரூ. 90,000 (எக்ஸ்-ஷோரூம்). ஆக்டிவா எலக்ட்ரிக் ஸ்கூட்டருடன் ஒப்பிடும்போது, வீட்டிலேயே எளிதாக சார்ஜ் செய்ய நிலையான பேட்டரி விருப்பத்துடன் வந்துள்ளது

(3 / 8)

ஆக்டிவா இ-ஸ்கூட்டர் போல் தோன்றினாலும், வடிவமைப்பில் சில சிறிய மாற்றங்கள் செய்யப்பட்டுள்ளன. ஹோண்டா QC1, இ-ஸ்கூட்டரின் முன்பக்கத்தில் ஆக்டிவா ஸ்கூட்டரைப் போன்ற ஹெட்லைட் உள்ளது. இது ஹேண்டில்பார்களில் உள்ள DRLகளை அகற்றியுள்ளது. இது TFT இன்ஸ்ட்ரூமென்ட் கிளஸ்டருக்கு பதிலாக LCD டிஸ்ப்ளேவைக் கொண்டுள்ளது

(4 / 8)

QC1 எலக்ட்ரிக் ஸ்கூட்டரில் 1.5 கிலோவாட் (kWh) பேட்டரி பேக் உள்ளது. இதை ஒரு முறை முழுமையாக சார்ஜ் செய்தால் 80 கிமீ வரை செல்லும். இதன் பேட்டரி 330-வாட் ஆஃப்-போர்டு சார்ஜரைப் பயன்படுத்தி மிக மெதுவாக சார்ஜ் செய்கிறது. 0 முதல் 80 சதவீதம் வரை சார்ஜ் செய்ய 4 மணி நேரம் 30 நிமிடங்கள் ஆகும். முழுமையாக சார்ஜ் செய்ய 6 மணி நேரம் 50 நிமிடங்கள் ஆகும்

(5 / 8)

இந்த எலக்ட்ரிக் ஸ்கூட்டரில் 26 லிட்டர் சேமிப்பு திறன் உள்ளது. ஒரு சிறிய ஹெல்மெட் அல்லது பையை இங்கே எளிதாக வைத்து கொள்ளலாம் முடியும். பின்புறத்தில் சிறந்த டெயில் லைட்டுகள் மற்றும் இண்டிகேட்டர்களைக் கொண்டுள்ளது. பின்புற சவாரி செய்பவர் பிடித்துக் கொள்ள ஒரு சிங்கிள்-பீஸ் கிராப் ஹேண்டில் உள்ளது

(6 / 8)

ரைடர் இருக்கைக்கு அடியில் மற்றொரு சார்ஜிங் பாயிண்டும் உள்ளது. இது பேட்டரி பேக்கை சார்ஜ் செய்வதை எளிதாக்குகிறது. ஆக்டிவா எலக்ட்ரிக் ஸ்கூட்டரில் ஸ்மார்ட் கீ ஆப்ஷன் உள்ளது. ஆனால் QC1 மாடலில் வழக்கமான அனலாக் கீ உள்ளது.

(7 / 8)

QC1 அதிகபட்ச வேகம் மணிக்கு 50 கி.மீ ஆகும். வெறும் 9.1 வினாடிகளில் 0-40 கி.மீ. வேகத்தை எட்டும். QC1 எலக்ட்ரிக் ஸ்கூட்டரில் முன்புறத்தில் டெலஸ்கோபிக் ஃபோர்க் மற்றும் பின்புறத்தில் 5 நிலை சரிசெய்யக்கூடிய ஹைட்ராலிக் ட்வின் ஷாக் சஸ்பென்ஷன் அமைப்பு உள்ளது

(8 / 8)

முன்புறத்தில் 12 அங்குல சக்கரமும், 90/100 அளவு டயரும் உள்ளது. பின்புறத்தில் 10 அங்குல சக்கரமும், 90/100 அளவு டயரும் உள்ளது. இந்த ஸ்கூட்டரில் ரைடர்களின் பாதுகாப்புக்காக 130 மிமீ முன் மற்றும் 110 மிமீ பின்புற டிரம் பிரேக்குகள் உள்ளன

Muthu Vinayagam Kosalairaman

கோ. முத்து விநாயகம், தலைமை கன்டென்ட் ப்ரொடியூசராக இந்துஸ்தான் டைம்ஸ் தமிழில் பணிபுரிகிறார். தொலைக்காட்சி, டிஜிட்டல் ஊடகங்களில் 17+ ஆண்டுகள் அணுபவம் மிக்கவர். தமிழ்நாடு, தேசம் மற்றும் சர்வதேசம், கிரிக்கெட், விளையாட்டு, லைஃப்ஸ்டைல் உள்ளிட்ட பிரிவுகளில் இந்துஸ்தான் டைம்ஸ் தமிழில் செய்திகளை எழுதி வருகிறார். சென்னை பல்கலைகழகத்தில் இளங்கலை காட்சிவழி தொடர்பியல், அண்ணா பல்கலைகழகத்தில் முதுகலை மின்னணு ஊடகம் பிரிவில் பட்டம் பெற்று இவர், 2007 முதல் ஊடகத்துறையில் இருந்து வருகிறார். மக்கள் தொலைக்காட்சி, இந்தியாகிளட்ஸ் இணையத்தளம், ஈடிவி பாரத் ஆகிய நிறுவனங்களை பணியாற்றிய அணுபவம் மிக்கவர். மக்கள் தொலைக்காட்சி, இந்தியாகிளிட்ஸ், ஈடிவி பாரத் ஆகிய நிறுவனங்களை தொடர்ந்து 2021 முதல் இந்துஸ்தான் டைம்ஸ் தமிழ் நிறுவனத்தில் பணிபுரிந்து வருகிறார்.

மற்ற கேலரிக்கள்