Mushroom Coffee: டிரெண்டாகி வரும் மஷ்ரூம் காஃபி ..இதை குடிப்பதால் என்னென்ன நன்மைகள் கிடைக்கும் தெரியுமா?

காஃபியுடன் மருத்துவ குணமுடைய மஷ்ரூமின் சாற்றை எடுத்துக் கலந்து தயாரிக்கப்படும் காபியே 'மஷ்ரூம் அல்லது காளான் காஃபி' என அழைக்கப்படுகிறது. 

வழக்கமான காஃபி போன்று இது மஷ்ரூம் செறிவூட்டப்பட்ட சாற்றில் கலக்கப்படுகிறது. இந்த மஷ்ரூம் காஃபிக்கு பயன்படுத்தப்படும் காளான்கள் சக்தி வாய்ந்த மருத்துவ குணங்களை கொண்டுள்ளன.

மஷ்ரூம் காஃபியை தொடர்ந்து குடித்து வந்தால் உடலிலுள்ள வீக்கங்கள் குறைந்து உடலின் மொத்த ஆரோக்கியமும் மேம்படும். அதன் மூலம் நாள்பட்ட வியாதிகள் வரும் அபாயமும் தடுக்கப்படும்.

மஷ்ரூம் காபி கலவையுடன் சேர்க்கப்படும் கார்டிஸெப்ஸ் (Cordyceps) என்ற பொருளானது உடல் சக்தியின் அளவை அதிகரிக்கச் செய்து சோர்வை விரட்டக்கூடிய வல்லமை கொண்டது.

மஷ்ரூம் காஃபியில் விட்டமின் பி6 மற்றும் விட்டமின் டி, மெக்னீசியம் மற்றும் இரும்புச்சத்து ஆகிய சத்துகள் உள்ளன. இதை அருந்துவதால் கொலஸ்ட்ரால் அளவுகள் குறையும் மற்றும் அழற்சியை தடுக்கலாம் என்று மருத்துவர்கள் தெரிவித்துள்ளனர்.

மஷ்ரூம் (காளான்) காஃபி என்றாலும் செரிமானப் பிரச்சினைகள், சிறுநீரக பிரச்சினைகள் இருப்பவர்கள் இவற்றை தவிர்க்க வேண்டும் என்று நிபுணர்கள் எச்சரிக்கின்றனர்.

மேலும் நம் மூளையின் செயல்பாடுகளை ஊக்குவிக்கும். நம் நோய் எதிர்ப்பு சக்தியை இது மேம்படுத்தும். இரத்த சர்க்கரை அளவை சமச்சீராக பராமரிக்கிறது. உடலை சோர்வடையாமல் தளர்வுடன் வைத்திருக்கவும்  உதவும்.