Good Bad Ugly Movie Update: பயமில்லா தாதாவாக அஜித்.. நெட்டில் ட்ரெண்டாகும் குட் பேட் அக்லி கதை..

ஆதிக் ரவிச்சந்திரன் இயக்கத்தில் நடிகர் அஜித் குமார்- த்ரிஷா நடிப்பில் உருவாகிவரும் திரைப்படம் குட் பேட் அக்லி. இந்தப் படம் வரும் ஏப்ரல் 10ம் தேதி வெளியாக உள்ளது. 
 

இந்தப் படத்தின் அப்டேட்கள் எப்போது வெளிவரும் என ரசிகர்கள் வெறித்தனமாக காத்திருந்த சமயத்தில், படத்தின், டீசர், படத்தின் முதல் சிங்கிள் என அடுத்தடுத்த அப்டேட்களை படக்குழு வெளியிட்டது. 
 

இந்நிலையில், குட் பேட் அக்லி படத்தின் முதல் சிங்கிள் ஒரிஜினல் சம்பவமாக இருக்கும் ஜிவி பிரகாஷ் கொடுத்த அப்டேட்டால் குஷியாகி இருந்த ரசிகர்களுக்கு மேலும் ஒரு ட்ரீட் காத்திருக்கிறது. 

இணையத்தில் தற்போது, குட் பேட் அக்லி படத்தின் கதை என்ன என்பது குறித்த தகவல் வெளியாகி இருக்கிறது.  அந்தத் தகவல் படி, மனம் திருந்தி வாழும் தாதாவின் கதையாக இந்தப் படம் இருக்கும் எனத் தெரிகிறது. 

எந்த பயமும் இல்லாமல் பல தவறகளை செய்த தாதா குடும்பத்திற்காக திருந்தி வாழ நினைத்த சமயத்தில், அவன் முன்னாள் செய்த விஷயங்கள் எல்லாம் அவனைத் துரத்துகிறது.  அதை அவன் எப்படி சமாளிக்கிறான் என்பது தான் படத்தின் கதையாக இருக்கும் என அந்தத் தகவல் கூறுகிறது. 

இதனால், அஜித்தை தாதாவாக பார்க்க அவரது ரசிகர்கள் மிகுந்த ஆவலுடன் காத்திருக்கின்றனர்.