Aarav: அஜித் சார், விஜய் சாருக்கு இடையில் நல்ல ஒரு பாண்ட் இருக்குது.. அஜித் சார் ரொம்ப ஸ்பெஷல்.. ஆரவ் பேச்சு

நடிகர் அஜித் குமாருடன் பழகிய தருணங்களை, விடாமுயற்சி படத்தில் நடித்த அனுபவங்களை நடிகர் ஆரவ் கலாட்டா தமிழ் யூட்யூப் சேனலுக்கு ஜனவரி 31ஆம் தேதி யூட்யூப் சேனலில் பகிர்ந்துள்ளார்.

இதுதொடர்பாக நடிகர் ஆரவ் அளித்த பேட்டியின் சாராம்சம் குறித்து பார்ப்போம். அதில், 

நான் என்ன கவனித்தேன் என்றால், அவருடன் பணியாற்றிய பின், நடிகர் அஜித் சாரிடம் பேசியிருப்பீங்க. இருந்தாலும் அவர் பற்றி நீங்கள் பிரமிப்புடன் இருக்கீங்கன்னு புரியுது?

அஜித் சார் ரொம்ப ஸ்பெஷல். என்னுடைய மனைவிக்கும் சரி, என்னுடைய குடும்பத்துக்கும் சரி அவர் ரொம்ப ஸ்பெஷல் தான். சினிமாவில் நெருங்கிய நண்பர்கள் கிடையாது. வாழ்விலும் நெருங்கிய நண்பர்கள் ரொம்ப ரொம்பக் குறைவு தான். அஜித் சாருக்கு ரொம்ப கிளோஸ் ஆக இருக்கிறேன். அதுதான், எனக்கு சார்கிட்ட பேசும்போது ஒவ்வொரு முறையும் ரொம்ப க்ளோஸ் ஆக உணர்கிறேன்.

அஜித் சார்கிட்ட பேசுற ஒவ்வொரு முறையும் புதுசாக பேசுறமாதிரி தான் இருக்கேன். அஜித் சார்கூட பேசும்போது என் குடும்பத்தைப் பற்றிப் பேசுவாங்க. அஜித் சாருக்கு பத்மபூஷண் விருது அறிவிக்கப்பட்டதும், அவர்கூட நேரில் வாழ்த்து தெரிவிக்க வாய்ப்பு கிடைச்சது. நான் அவருக்கு நேரில் வாழ்த்து தெரிவித்தேன்.

அஜித் சார் பத்மபூஷண் ஜெயித்ததும் எப்படி இருந்தது?

நாம் ஜெயித்த ஒரு ஃபீல் இருந்தது. எனக்குத் தெரியும் ஒரு சினிமா பின்புலம் இல்லாதவர் எப்படி சினிமாவில் இருக்க முடியும் என்று. அவருடைய பயணம் எனக்குத் தெரியும்.

விடாமுயற்சி சூட்டிங் ஸ்பாட்டில் நடந்த விபத்து நடந்தபின் என்ன நினைச்சீங்க?

’ஒரு இடத்தில் கார் பட்டு குதிச்சுப்போய் தரையிறங்குச்சு. என்னிக்குமே நானும் டென்ஷனாக நினைச்சது இல்ல. அவர் கூட நடிக்கும்போது, எஞ்சாய் செய்துட்டு தான் இருந்தேன். கார் இப்படி கவிழ்ந்து விழுமா அப்படின்னு சார்கிட்ட பேசி சிரிச்சிட்டு இருந்தோம். அடுத்த ஷாட்டில் தான் அந்த விபத்து நடந்தது. கார் வந்து அவுட் ஆஃப் கண்ட்ரோல் போனது. அது ஒரு உண்மையான விபத்து. நாங்க வந்த ஸ்பீடுக்கு, கார் ரோட்டின் பக்கத்தில் இருந்த ஜல்லியில் பட்டதும், அவுட் ஆஃப் தி கண்ட்ரோல் கார் போயிடுச்சு. பாலை வனம் என்பதால் அப்படியே ரோல் ஆகி கீழப்போனதுதான்’.

அஜித் சார் விபத்து பற்றி என்ன சொன்னாங்க?

அஜித் சார் இதற்கு முன் விபத்தில் சிக்கியபோது எல்லாம் தனியாக இருந்திருக்கிறார். இதுமுதல் முறை, ஒரு நடிகரை வைச்சுக்கிட்டு இப்படி நடந்ததால், ரொம்ப மோசமாக ஃபீல் பண்ணுனார். விபத்து நடந்ததுக்குப் பின் கண்ணாடியை உடைச்சிட்டு வெளிய வந்ததும், ஆரவ்க்கு என்ன ஆச்சுன்னு கேட்கிறார். அடுத்து ஆரவைப் பாருங்க எனச் சொன்னார். இந்த காலகட்டத்தில் பொதுவாக எரிபொருள் லீக் ஆகும். தீ பிடிக்கும். எனக்கும் உள்ளே இந்த ஃபீல் ஆகுது. விபத்து நடந்ததும் என்ன எடுக்கவுமே, 5 நிமிஷம் ஆச்சு. சார் உடைய வயதில் இமேஜில் இருக்கும் நபர், குதி என்றால் உடனே குதிக்க மாட்டாங்க. அஜித் சார் ரிஸ்க் எடுத்து குதிப்பார். பயமே இல்லாமல் ஒருத்தரை நான் பார்த்திருக்கிறேன் என்றால், அது அஜித் சார் தான்.

அஜித் சாரிடம் விஜய் சார் பத்தி கேட்டிருக்கீங்களா?

விஜய் சாருடன் இருக்கும் பெஸ்ட் மொமன்ட்ஸை ஷேர் செய்திருக்கார், அஜித் சார். விஜய் சாருக்கு நிறைய கிரெடிட்ஸ் கொடுக்கிறாங்க. எல்லா இடத்திலும் விஜய் சாருக்கு மரியாதை கொடுப்பாங்க. அவங்க இரண்டு பேருக்கு நல்ல ஒரு ஃபாண்ட் இருக்குது'' என்று தெரிவித்தார், நடிகர் ஆரவ்.

நன்றி: கலாட்டா தமிழ் யூட்யூப் சேனல்