தமிழ் செய்திகள்  /  Nation And-world  /  Yet Another Landmark Says Pm Modi On Aditya L1 Parked In Orbit At Lagrange Point 1

Aditya L1 : ‘மற்றொரு மைல் கல்’ - ஆதித்யா எல்1 சுற்றுப்பாதையில் நிலைநிறுத்தப்பட்டது குறித்து பிரதமர் பாராட்டு

Marimuthu M HT Tamil
Jan 06, 2024 06:34 PM IST

ஆதித்யா எல் 1 விண்கலம் சூரியனை ஆய்வு செய்வதற்காக லாக்ராஞ்ச் பாயிண்ட் 1-ல் நிறுத்தப்பட்டது. அதனையறிந்து பிரதமர் நரேந்திர மோடி சமூக தளமான எக்ஸில் பாராட்டு தெரிவித்தார்.

ஆதித்யா எல் 1  லாக்ரேஞ்ச் பாயிண்ட் 1ல் வெற்றிகரமாக நிலை நிறுத்தப்பட்டது.
ஆதித்யா எல் 1 லாக்ரேஞ்ச் பாயிண்ட் 1ல் வெற்றிகரமாக நிலை நிறுத்தப்பட்டது.

ட்ரெண்டிங் செய்திகள்

இதுதொடர்பாக பிரதமர் நரேந்திர மோடி வெளியிட்டுள்ள செய்திக் குறிப்பில், "இந்தியா விண்வெளித்துறையில் மற்றொரு மைல்கல்லை எட்டியுள்ளது. இந்தியாவின் முதல் சூரிய விண்கலமான ஆதித்யா-எல்1 இந்த இலக்கை எட்டியுள்ளது. மிகவும் சிக்கலான விண்வெளிப் பயணங்களை நிறைவேற்றுவதில் நமது விஞ்ஞானிகளின் இடைவிடாத அர்ப்பணிப்புக்கு இது ஒரு சான்றாகும். இந்த அசாதாரண சாதனையைப் பாராட்டுவதில் நானும் இணைகிறேன். மனிதகுலத்தின் நன்மைக்காக அறிவியலின் புதிய எல்லைகளை நாம் தொடர்ந்து பின்பற்றுவோம்" என்று பிரதமர் மோடி பதிவிட்டுள்ளார். 

லாக்ராஞ்ச் பாயிண்ட் 1 என்பது பூமிக்கும் சூரியனுக்கும் இடையிலான மொத்த தூரத்தில் ஒரு சதவீத தூரமாகும். எல் 1 புள்ளியை விண்கலம் அடைந்துவிட்டபோது, இந்த செயற்கைக் கோள், எந்தவொரு  உதவியும் இல்லாமல் சூரியனை நோக்கி பயணிக்கும் திறன் கொண்டுள்ளது. அதற்கு சூரிய -புவியின் ஈர்ப்பு விசை உதவியாக இருக்கிறது. 

இதுசூரிய செயல்பாடுகள் மற்றும் விண்வெளி வானிலை தொடர்பான தரவுகளை நமக்கு அளிக்கின்றன. 

 இஸ்ரோ கூறிய கருத்து:"இந்த நிகழ்வு (ஜனவரி 6ஆம் தேதி மாலை 4 மணியளவில்) ஆதித்யா-எல் 1 விண்கலம், எல் 1 சுற்றுப்பாதையில் ஒளிவட்ட சுற்றுப்பாதையுடன் இணைகிறது. இதைச் செய்யாவிட்டால், அது சூரியனை நோக்கி தனது பயணத்தைத் தொடர வாய்ப்புள்ளது" என்று இஸ்ரோ அதிகாரி ஒருவர் நேற்று(டிசம்பர் செய்தி நிறுவனமான பி.டி.ஐ. செய்தி முகமையிடம் தெரிவித்தார். 

ஸ்ரீஹரிகோட்டாவில் உள்ள சதீஷ் தவான் விண்வெளி மையத்தின் இரண்டாவது ஏவுதளத்தில் இருந்து, ஆதித்யா-எல் 1 விண்கலத்தை செயற்கைக்கோள் ஏவு வாகனம் (பி.எஸ்.எல்.வி-சி 57) கடந்த ஆண்டு, செப்டம்பர் 2ஆம் தேதி விண்ணில் செலுத்தியது. 

63 நிமிடங்கள் 20 விநாடிகள் பறந்து பூமியைச் சுற்றி 235×19500 கி.மீ நீள்வட்டப் பாதையில் வெற்றிகரமாக செலுத்தப்பட்டது. அதன் பின்னர் இந்த விண்கலம் தொடர்ச்சியான பயணத்திற்கு உட்படுத்தப்பட்டு, பூமியின் ஈர்ப்புவிசையில் இருந்து தப்பி, சூரியன்-பூமிக்கு இடையிலான ஈர்ப்பு விசை குறையாத லாக்ரேஞ்ச் பாயிண்ட் 1 (எல் 1) ஐ அடைந்தது. 

இந்த விண்கலம் ஒளிக்கோளம், குரோமோஸ்பியர் மற்றும் சூரியனின் வெளிப்புற அடுக்குகளை மின்காந்த மற்றும் துகள் புல கண்டுபிடிப்பாளர்களைப் பயன்படுத்தி கண்காணிக்க ஏழு பேலோட்களை சுமந்து செல்கிறது. அதில் நான்கு பேலோட்கள் சூரியனை நேரடியாகப் பார்க்கின்றன. மீதமுள்ள மூன்று பேலோட்கள் லாக்ரேஞ்ச் புள்ளியில் உள்ள துகள்கள் மற்றும் புலங்களை ஆய்வு செய்கின்றன. இதனால் கோள்களுக்கு இடையிலான ஊடகத்தில் சூரிய இயக்கவியலின் பரவல் குறித்த முக்கியமான அறிவியல் ஆய்வுகளை வழங்குகின்றன என்று விண்வெளி ஆய்வு நிறுவனம் தெரிவித்துள்ளது. 

ஆதித்யா எல் 1 பேலோட்கள் வெப்ப வெளியேற்றம், விண்வெளி நடவடிக்கைகள் மற்றும் அவற்றின் பண்புகள், விண்வெளி வானிலையின் இயக்கவியல் மற்றும் துகள்கள் குறித்த சிக்கலைப் புரிந்துகொள்ள "மிக முக்கியமான தகவல்களை" வழங்கும் என்று எதிர்பார்க்கப்படுகிறது என்று அதிகாரிகள் தெரிவித்தனர்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 
  

 

WhatsApp channel

டாபிக்ஸ்