Tamil News  /  Nation And-world  /  Yediyurappa Son Vijayendra Formally Takes Charge As Karnataka Bjp President Read More

Vijayendra: கர்நாடக பாஜக தலைவராக எடியூரப்பாவின் மகன் விஜயேந்திரா முறைப்படி பொறுப்பேற்பு

Manigandan K T HT Tamil
Nov 15, 2023 01:32 PM IST

நளின் குமார் கடீலுக்குப் பதிலாக புதிய கர்நாடக பாஜக தலைவராக பி.ஒய்.விஜயேந்திரா அதிகாரப்பூர்வமாகப் பொறுப்பேற்றுள்ளார்.

தந்தை எடியூரப்பாவுக்கு இனிப்பு ஊட்டிவிடும் மகன் விஜயேந்திரா. (ANI)
தந்தை எடியூரப்பாவுக்கு இனிப்பு ஊட்டிவிடும் மகன் விஜயேந்திரா. (ANI)

ட்ரெண்டிங் செய்திகள்

இந்நிகழ்ச்சியில் முன்னாள் முதல்வர்கள் எடியூரப்பா, பசவராஜ் பொம்மை, டிவி சதானந்த கவுடா மற்றும் கட்சியின் மூத்த தலைவர்கள் கலந்து கொண்டனர்.

47 வயதான முதல் முறையாக எம்.எல்.ஏவான எடியூரப்பாவின் மகன் விஜயேந்திரா, நவம்பர் 10ஆம் தேதி அந்தப் பதவிக்கு நியமிக்கப்பட்டார்.

முன்னதாக கட்சியின் மாநிலப் பொதுச் செயலாளராகவும், துணைத் தலைவராகவும் பணியாற்றிய விஜயேந்திரா, நளின்குமார் கட்டீலுக்குப் பதிலாக நியமிக்கப்பட்டார்.

தட்சிண கன்னடாவிலிருந்து மூன்று முறை மக்களவை உறுப்பினராக இருந்த கட்டீல், பாஜக மாநிலத் தலைவராக தனது மூன்றாண்டு பதவிக் காலத்தை முடித்திருந்தார், மேலும் கடந்த ஆண்டு அவருக்கு பதவி நீட்டிப்பு வழங்கப்பட்டது.

எடியூரப்பாவின் மகன் என்பதாலேயே தனக்கு கட்சிப் பணியாளராக பொறுப்பு வழங்கப்படவில்லை என்றும் விஜயேந்திரா கூறினார்.

அனைவரையும் ஒன்றிணைத்து கட்சி அமைப்பை மேலும் வலுப்படுத்துவதும், லோக்சபா தேர்தலில் மாநிலத்தில் அதிகபட்ச இடங்களை வெல்வதும் தனக்கு முன் உள்ள பெரிய சவால்கள் என அவர் கூறியிருந்தார்.

இதனிடையே, ராஜஸ்தானின் கரன்பூர் சட்டமன்றத் தொகுதியின் காங்கிரஸ் வேட்பாளர் குர்மீத் சிங் கூனார், டெல்லி எய்ம்ஸ் மருத்துவமனையில் சிகிச்சை பலனின்றி உயிரிழந்ததாக கட்சித் தலைவர்கள் புதன்கிழமை தெரிவித்தனர். அவருக்கு வயது 75.

கரன்பூரின் சிட்டிங் எம்எல்ஏவாக இருந்த கூனார், டெல்லியில் உள்ள அகில இந்திய மருத்துவ அறிவியல் கழகத்தின் (எய்ம்ஸ்) முதியோர் மருத்துவப் பிரிவில் நவம்பர் 12ஆம் தேதி அனுமதிக்கப்பட்டார்.

கூனார் சிறுநீரக நோயால் பாதிக்கப்பட்டு இறந்ததாக மருத்துவமனை வழங்கிய இறப்புச் சான்றிதழில் தெரிவிக்கப்பட்டுள்ளது. உயர் ரத்த அழுத்த நோயாலும் அவதிப்பட்டு வந்தார்.

200 உறுப்பினர்களைக் கொண்ட ராஜஸ்தான் சட்டசபைக்கு நவம்பர் 25-ம் தேதி தேர்தல் நடைபெறவுள்ளது.

அவரது மறைவுக்கு காங்கிரஸ் தலைவர்கள் இரங்கல் தெரிவித்து வருகின்றனர். ராஜஸ்தான் முதல்வர் அசோக் கெலாட் இரங்கல் தெரிவித்தார்.

முன்னதாக, பிரதமர் நரேந்திர மோடி மற்றும் உள்துறை அமைச்சர் அமித் ஷா ஆகியோர் மத்திய பிரதேசத்தில் தங்கள் கட்சியின் எம்எல்ஏக்களை "விலைக்கு வாங்கினர்" என்றும் "ஆட்சியை எங்களிடம் இருந்து திருடினர்" என்றும் காங்கிரஸ் மூத்த எம்பி ராகுல் காந்தி கடந்த செவ்வாய்க்கிழமை குற்றம் சாட்டினார். 2020 இல் கமல்நாத் அரசாங்கத்தின் வீழ்ச்சிக்கு வழிவகுத்த 22 எம்.எல்.ஏக்களின் கிளர்ச்சியைக் குறிப்பிட்டு, மக்களின் குரல் பாஜகவால் "நசுக்கப்பட்டது" என்று ராகுல் காந்தி கூறினார்.

2018 மத்தியப் பிரதேச சட்டமன்றத் தேர்தலில், காங்கிரஸ் 114 இடங்களைப் பெற்று தனிப்பெரும் கட்சியாக உருவெடுத்தது. சுயேச்சைகளின் ஆதரவைப் பெற்ற பிறகு காங்கிரஸ் ஆட்சியை அமைத்தது. ஆனால், கமல்நாத் முதல்வராக பதவியேற்று 15 மாதங்கள் ஆன நிலையில், எம்எல்ஏக்கள் ராஜினாமா செய்ததால் ஆட்சி கவிழ்ந்தது. பின்னர் சிவராஜ் சிங் சவுகான் தலைமையில் பாஜக ஆட்சி அமைத்தது.

"கோடிக்கணக்கான ரூபாய் கொடுத்து காங்கிரஸ் கட்சியின் எம்எல்ஏக்களை விலைக்கு வாங்கியதன் மூலம், உங்கள் முடிவு, உங்கள் இதயத்தின் குரலை பாஜக தலைவர்கள், பிரதமரால் நசுக்கியது. நீங்கள் ஏமாற்றப்பட்டு விட்டீர்கள்," என்று அவர் மேலும் கூறினார்.

மத்தியப் பிரதேசத்தில் காங்கிரஸ் 145 முதல் 150 இடங்களில் வெற்றி பெறும் என்றார் ராகுல் காந்தி.

வரும் 17ம் தேதி மத்தியப் பிரதேசத்தில் தேர்தல் நடைபெறவுள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

 

 

 

Google News: https://bit.ly/3onGqm9 

 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

WhatsApp channel

டாபிக்ஸ்