Assam CM Tweet: சாலையைக் கடக்க முயன்ற காண்டாமிருகம் - தட்டி விட்டுச் சென்ற லாரி!

இங்கு வாழ்ந்து வரும் உயிரினங்கள் மற்றும் விலங்கினங்களைப் பேரிடர், மனித விலங்கு மோதல் வேட்டை போன்ற சிக்கல்களிலிருந்து பாதுகாக்க அரசு தொடர்ந்து முயற்சி செய்து வருகிறது. இருப்பினும் மனித விளங்கும் மோதல் என்பது தொடர்ந்து நிகழ்ந்து கொண்டு தான் இருக்கிறது.

இந்நிலையில் இதனை அறிவுறுத்தும் விதமாக அசாம் மாநிலம் முதல்வர் ஹிமந்த பிஸ்வாஸ் சர்மா வருத்தம் தெரிவித்து ஒரு வீடியோவை தனது ட்விட்டர் பக்கத்தில் வெளியிட்டுள்ளார்.

அந்த வீடியோவில், காசிரங்கா பூங்கா பகுதிகளில் இருக்கும் தேசிய நெடுஞ்சாலையில், அங்கு வாழும் காண்டாமிருகம் ஒன்று சாலையைக் கடக்க முயன்ற போது சாலையின் குறுக்கே வந்த லாரி மீது எதார்த்தமாக மோதியது. ஆனால் இதனைக் கண்ட காண்டாமிருகம் சற்று சுதாரித்துக் கொண்டதால் பெரிய சேதம் ஏதும் ஏற்படாமல் தப்பி மீண்டும் காட்டுக்குள் ஓடி விட்டது.