Govt blocks 67 porn sites: 67 ஆபாச இணையதளங்கள் முடக்கம் - ஒன்றிய அரசு நடவடிக்கை
67 ஆபாச இணையதளங்களை முடக்க ஒன்றிய அரசு உத்தரவிட்டுள்ளது.
புதுதில்லி: தகவல் தொழில்நுட்ப விதிகளின் படி 67 ஆபாச இணையதளங்களை முடக்க ஒன்றிய அரசு உத்தரவிட்டுள்ளது.
ட்ரெண்டிங் செய்திகள்
ஆபாச இணையதளங்கள் இந்தியாவை மிகப்பெரிய சந்தையாக பார்க்கின்றன. இந்தியாவை குறிவைத்து ஏராளமான இணையதளங்கள் இயங்கி வருகின்றன. இணைய வழிகாட்டு நெறிமுறைகளை மீறும் ஆபாச இணையதளங்களை முடக்கும் வகையில் கடந்த 2021 ஆம் ஆண்டு புதிய தகவல் தொழில்நுட்ப சட்டம் இயற்றப்பட்டது. இந்த சட்டத்தின் படி, இணைய வழிகாட்டு விதிமுறை மீறல்களில் ஈடுபடும் தளங்களை ஒன்றிய அரசு தொடர்ந்து கண்காணித்து முடக்கி வருகிறது.
இந்நிலையில், தற்போது 67 ஆபாச இணையதளங்களை முடக்கி ஒன்றிய தகவல் தொழில்நுட்ப அமைச்சகம் உத்தரவிட்டுள்ளது. இது தொடர்பாக தகவல் தொழில்நுட்ப அமைச்சகம் வெளியிட்டுள்ள அறிக்கையில், புணே நீதிமன்றம் வழிகாட்டுதல்படி 63 இணையதளங்களும், உத்தராகண்ட் உயர் நீதிமன்றம் வழிகாட்டுதல்படி 4 ஆபாச இணையதளங்களும் முடக்கப்படுகின்றன. இந்த இணையதளங்கள் பெண்களின் கண்ணியத்திற்கு களங்கம் விளைவிக்கும் வகையிலும், ஆபாசத்தை பரப்பும் விதமாகவும் செயல்படுவதால் இந்த நடவடிக்கை மேற்கொள்ளப்படுகிறது என்று தெரிவிக்கப்பட்டுள்ளது.
டாபிக்ஸ்